અત્યાર સુધીના સૌથી વધુ ત્રિમાસિક રુ.૫,૬૪૨ કરોડ EBITDA પ્રાપ્ત કર્યોઃ અદાણી સોલર મોડ્યુલ લાઇન ક્ષમતા ૫.૭ ગીગાવોટ સુધી વિસ્તારીઃ ડેટા સેન્ટર વ્યવસાયે ૪00 મેગાવોટનો નવો હાઇપરસ્કેલ ઓર્ડર મેળવ્યો
Ahmedabad,તા.31
અદાણી ઔદ્યોગિક જુથની મુખ્ય કંપની અદાણી એન્ટરપ્રાઇઝ લિ.(AEL) એ ૩૦ જૂન, ૨૦૨૬ ના રોજ પૂરા થયેલા ત્રિમાસિકના પરિણામો આજે જાહેર કર્યા છે.
આ પરિણામો કંપનીના સ્થાપિત અને ઇન્ક્યુબેટિંગ વ્યવસાયોના વિવિધ પોર્ટફોલિયોની મજબૂતાઈ અને સ્થિરતા તેમજ વૃદ્ધિ દર્શાવે છે. તેના કારણે, અદાણી એન્ટરપ્રાઇઝ એ વાર્ષિક ધોરણે ૪૯% ના વધારા સાથે વાર્ષિક ધોરણે તેનો અત્યાર સુધીનો સૌથી વધુ ત્રિમાસિક EBITDA રુ. ૫,૬૪૨ કરોડ નોંધાવ્યો છે. શિસ્તબદ્ધ રોકાણ મારફત ઇન્ફ્રા-પ્લેટફોર્મનો મજબૂત પાયો બાંધ્યા બાદ કંપની હવે તેની સંપત્તિઓની ક્ષમતાના ઉપયોગ અને કાર્યકારી કાર્યક્ષમતાના માધ્યમથી તેના શેરધારકો માટે અર્થપૂર્ણ નાણાકીય પરિણામોમાં પરિણમે તે તબક્કાનું સાક્ષી બનવા સજ્જ છે.
અદાણી ગ્રુપના ચેરમેન શ્રી ગૌતમ અદાણીએ જણાવ્યું હતું કે અદાણી એન્ટરપ્રાઇઝે નવા નાણાકીય વર્ષની શરૂઆત અસાધારણ મજબૂત પ્રદર્શન સાથે કરી છે તેની પ્રતીતી અમારા ઇન્ફ્રાસ્ટ્રક્ચર અને ઇન્ક્યુબેટિંગ પ્લેટફોર્મના વધતા કદ અને પરિપક્વતાને કારણે હાંસલ કરેલો રૂ. ૫,૬૪૨ કરોડનો અત્યાર સુધીનો સૌથી વધુ ત્રિમાસિક EBITDA છે. તેમણે જણાવ્યું હતું કે નવી મુંબઈ આંતરરાષ્ટ્રીય એરપોર્ટ પર આંતરરાષ્ટ્રીય કામગીરીનો આરંભ, ગંગા એક્સપ્રેસવે પર ટોલ વસૂલાતની શરુઆત, અમારા સૌર મોડ્યુલ ક્ષમતાનું વિસ્તરણ અને મુખ્ય એક એવો મોટા કદનો ડેટા સેન્ટરનો નવો ઓર્ડર અમારી વૃદ્ધિની સફરના મહત્વપૂર્ણ સીમાચિહ્નો દર્શાવે છે. તેમણે ઉમેર્યું હતું કે રુ.૧૫,000 કરોડનો સફળ QIP અમારી વ્યૂહરચના અને અમલીકરણ ક્ષમતાઓમાં મજબૂત સંસ્થાકીય વિશ્વાસને વધુ પ્રતિબિંબિત કરે છે. ભારતની માળખાગત જરૂરિયાતો જે પ્રમાણે વિસ્તરી રહી છે તેને અનુરુપ અમે વૈશ્વિક સ્તરે સ્પર્ધાત્મક વ્યવસાયો બનાવવા પર ધ્યાન કેન્દ્રિત કરી રહ્યા છીએ જેનાથી રાષ્ટ્રીય પ્રાથમિકતાઓ આગળ વધવા સાથે અમારા બધા હિસ્સેદારો માટે કાયમી મૂલ્ય વર્ધન કરે છે.
અહેવાલના સમયમાં કુલ આવક વાર્ષિક ધોરણે ૫૦% વધીને રૂ. ૩૩,૫૪૬ કરોડ થઈ હતી. જે આગળના આ ગાળામાં રુ.૨૨,૪૩૭ કરોડ અને ગત પુરા વર્ષમાં રુ.૧,૦૨,૯૪૩ કરોડ હતી. કરવેરા પહેલાંનો નફો રૂ. ૨,૬૪૪ કરોડના OFAC સમાધાનને બાદ કરતાં રૂ. ૧,૨૯૫ કરોડ થયો છે. જે ગત વર્ષના આ સમયમાં રુ.૧,૪૬૬ કરોડ હતો. ગત સમગ્ર વર્ષમાં તે રુ.૪,૩૦૯ કરોડ હતો. કર બાદનો નફો ગત વર્ષના આ ગાળામાં રુ.૮૮૫ કરોડ હતો. જે હાલ સમીક્ષાના સમય દરમિયાન રુ.૧,૧૬૦ કરોડ થયો છે. ગત સમગ્ર વર્ષનો કર બાદનો નફો રુ.૯,૭૪૬ કરોડ થયો હતો.અદાણી એરપોર્ટ્સનો એબિડટા વાર્ષિક ધોરણે ૪૯% વધીને રૂ. ૧,૬૩૩ કરોડ નોંધાયો છે. આ ગાળામાં ક્ષમતામાં વધારો થતાં, કોપર વ્યવસાયે રૂ.૭૪૯ કરોડનો એબિડટા ઉમેર્યો છે. અદાણી ન્યૂ ઇન્ડસ્ટ્રીઝે ૧.૭ ગીગાવોટ ની નવી મોડ્યુલ લાઇન કાર્યરત કરી છે. નવી મુંબઈ એરપોર્ટે ૧૫ જુલાઈ, ૨૦૨૬ થી આંતરરાષ્ટ્રીય કામગીરી શરૂ કરી છે.
