Ahmedabad,તા.31
ભારતની સૌથી મોટી સંકલિત પરિવહન સંચાલક અદાણી પોર્ટ્સ એન્ડ સ્પેશિયલ ઇકોનોમિક ઝોન લિ. (APSEZ) એ ૩૦ જૂન, ૨૦૨૬ ના રોજ પૂરા થયેલા પ્રથમ ક્વાર્ટરના પરિણામો જાહેર કર્યા છે.
આ સમય દરમિયાન વાર્ષિક ધોરણે આવક ૧૯% વધી રુ.૧૦,૮૨૧ કરોડ થઇ છે ગત વર્ષના સરખા ગાળામાં રુ.૯,૧૨૬ કરોડ હતી. જ્યારે સમીક્ષાના ગાળામાં એબિડટા ૧૯% વધી રુ.૬૫૪૧ કરોડ પ્રાપ્ત થયો છે ગત વર્ષેરુ.૫,૪૯૫ કરોડ હતો. કર બાદનો નફો ૧૦% વધી રુ.૩,૬૫૦ કરોડ થયો હતો જે પાછલા વર્ષમાં રુ.૩,૩૧૧ કરોડ હતો.
આ ગાળામાં ઓસ્ટ્રેલિયા અને કોલંબોમાં મજબૂત પ્રદર્શનને કારણે આંતરરાષ્ટ્રીય બંદરોએ મજબૂત વૃદ્ધિ સાથે વાર્ષિક ધોરણે આવક ૮૦% વધીને રુ.૧,૭૪૭ કરોડ થઈ અને એબિડટા ૨૫૬% વધીને રુ.૭૩૦ કરોડ નોંધાયો છે., આ પ્રદર્શન અદાણી પોર્ટસના વિદેશી પોર્ટફોલિયોની વધતી પરિપક્વતા દર્શાવે છે. ચાલુ ઓફશોર જહાજના કાફલામાં ઉમેરા અને યુરોપિયન સબ-સી વિસ્તરણને કારણે દરિયાઈ આવક વાર્ષિક ધોરણે ૬૭% વધીને રુ. ૯૦૧ કરોડ થઈ છે.
સમીક્ષાના સમય દરમિયાન કાર્ગોના વોલ્યુમમાં વૃદ્ધિ, ચડિયાતું ઉત્પાદન મિશ્રણ અને ઉચ્ચ પ્રાપ્તિને કારણે સ્થાનિક બંદરોની આવક વાર્ષિક ધોરણે ૧૨% વધી છે. શ્રેષ્ઠ-ઇન-ક્લાસ એબિડટા માર્જિન ૭૪% રહ્યો છે. S&P ગ્લોબલ રેટિંગ્સે અદાણી પોર્ટસના લાંબા ગાળાના ઇશ્યુઅર ક્રેડિટ રેટિંગ અને તેના સિનિયર અનસિક્યોર્ડ નોટ્સ પર ઇશ્યુ રેટિંગને સ્થિર સાથે BBB- થી BBB માં અપગ્રેડ કર્યું છે. CARE રેટિંગ અને ICRA લિ.એ કંપનીના સર્વોચ્ચ શક્ય સ્થાનિક રેટિંગ AAA ને પુનઃપુષ્ટિ આપી છે.
અદાણી પોર્ટસ અને સેઝ ટાસ્કફોર્સ ઓન નેચર-રિલેટેડ ફાઇનાન્શિયલ ડિસ્ક્લોઝર (TNFD) રિપોર્ટ બહાર પાડનારી પ્રથમ ભારતીય પરિવહન કંપની બની છે.
અદાણી પોર્ટસના પૂર્ણકાલિન ડિરેક્ટર અને મુખ્ય કારોબારી અધિકારી અશ્વની ગુપ્તાએ આ પરિણામો વિષે જણાવ્યું હતું કે આ સમય દરમિયાનનું પ્રદર્શન ભૌગોલિક, કોમોડિટીઝ અને ગ્રાહકોમાં મલ્ટી-મોડલ એસેટ બેઝ સાથે વૈશ્વિક પહોંચને જોડી અમારા વૈવિધ્યસભર વ્યવસાય મોડેલની મજબૂતાઈ પર ભાર મૂકે છે. અમારા સ્થાનિક બંદર વ્યવસાયની મજબૂત વૃદ્ધિનું કં૫નીની કમાણીનો આધાર રહ્યો છે. તેમણે કહ્યું હતું કે સમીક્ષના સમયમાં આંતરરાષ્ટ્રીય બંદરો, મરીન અને લોજિસ્ટિકસના નિર્ણાયક સ્કેલ-અપથી સ્કેલ-વેલ્યુ તરફનું સંક્રમણ આવક વૃદ્ધિ અને નફાકારકતાના મહત્વના વાહકો બની રહ્યા છે. તેમણે ઉમેર્યું હતું કે વ્યવસાયોમાં આ સંતુલિત વૃદ્ધિ ૨૦૩૧ સુધીમાં અમારી મહત્વાકાંક્ષાને પ્રાપ્ત કરવામાં અમારા વિશ્વાસને મજબૂત બનાવે છે. ૨૦૩૦ સુધીમાં ૧,000 MMT કાર્ગોના લક્ષ્યને સિધ્ધ કરવા માટે સ્થાનિક ક્ષમતા વિસ્તરણ કાર્યક્રમ, વધતા જતા આંતરરાષ્ટ્રીય પોર્ટફોલિયો અને લોજિસ્ટિક્સ ઇકોસિસ્ટમથી સમર્થિત, APSEZ વૈશ્વિક સ્તરે સંબંધિત પરિવહન પ્લેટફોર્મ બનાવી રહ્યું છે.
