કુલ ૩.૦૪ લાખ દર્દીઓમાંથી ૧.૭૨ લાખ પુરુષ, ૧.૩૧ લાખ મહિલા, ૯૦ ટ્રાન્સજેન્ડરને Heart attackની સમસ્યાને કારણે ૧૦૮ની મદદ લેવી પડી
New Delhi, તા.૨૯
ગુજરાતમાં Heart attackની સમસ્યા ધરાવતા દર્દીઓનો ગ્રાફ સતત ઊંચે જઈ રહ્યો છે. વર્ષ ૨૦૨૩થી ૨૦૨૬ દરમિયાન હૃદયની સમસ્યાના કુલ ૩.૦૪ લાખ દર્દીઓ નોંધાયા છે, તેમાં ૫૯.૫૧ ટકા પુરુષ-૪૩.૨૨ ટકા મહિલાનો સમાવેશ થાય છે. આ ઉપરાંત ચાર વર્ષના આ સમયમાં હૃદયની સમસ્યાના ૬૪૪૯૫ એટલે કે ૨૧.૧૭ ટકા દર્દીઓ ૫૧થી ૬૦ની વયજૂથના હોવાનું સામે આવ્યું છે.દર વર્ષે ૨૯મી સપ્ટેમ્બરના રોજ ‘વિશ્વ હૃદય દિવસ’ તરીકે કરવામાં આવે છે. ઈમરજન્સી સેવા ૧૦૮ પાસેથી પ્રાપ્ત માહિતી અનુસાર,૨૦૨૩થી ૨૦૨૬ દરમિયાન વયજૂથ પ્રમાણે જોવામાં આવે તો ૬૧થી ૭૦ની વયજૂથના ૧૮.૬૮ ટકા, ૪૧થી ૫૦ની વયના ૧૮.૨૦ ટકા, ૩૧થી ૪૦ની વયના ૧૪.૦૪ ટકા, ૭૦થી વધુ વયના ૧૨.૭૨ ટકા, ૨૧થી ૩૦ની વયના ૧૦.૧૫ ટકા દર્દી હોવાનું સામે આવ્યું છે. બાળકો-કિશોરોમાં પણ હૃદયની સમસ્યા ચિંતાજનક રીતે વધી રહી છે.
૨૦૨૩થી અત્યારસુધી ૧૨૨૨૫ દર્દીઓ એવા જોવા મળ્યા છે, જેમની ઉંમર ૧૧થી ૨૦ વર્ષ હતી. આ ઉપરાંત કુલ ૪૧૬ નવજાત દર્દીઓમાં પણ હૃદયની સમસ્યા જોવા મળી છે.કુલ ૩.૦૪ લાખ દર્દીઓમાંથી ૧.૭૨ લાખ પુરુષ, ૧.૩૧ લાખ મહિલા, ૯૦ ટ્રાન્સજેન્ડરને હૃદયની સમસ્યાને કારણે ૧૦૮ની મદદ લેવી પડી છે. ૭૪૩ દર્દીઓ એવા નોંધાયા છે, જેમની જાતિ સ્પષ્ટ નહોતી. વર્ષ ૨૦૨૩થી ૨૦૨૬ દરમિયાન અમદાવાદમાંથી સૌથી વધુ ૮૪૦૩૮ દર્દી નોંધાયા છે. મતલબ કે, ગુજરાતમાં નોંધાતા દર્દીઓમાંથી ૨૮ ટકા અમદાવાદમાંથી હોય છે. આ સિવાય સુરતમાંથી ૨૩૧૮૨, રાજકોટમાંથી ૧૯૯૯૫, ભાવનગરમાંથી ૧૫૯૯૯, વડોદરામાંથી ૧૫૧૩૦, જૂનાગઢમાંથી ૧૧૩૨૫, જામનગરમાંથી ૧૧૦૯૯, અમરેલીમાંથી ૮૪૧૯, ગાંધીનગરમાંથી ૮૩૬૭ જ્યારે કચ્છમાંથી ૭૨૨૪ દર્દી નોંધાયા છે. ડાંગમાંથી સૌથી ઓછા ૦.૬૧ ટકા દર્દી હોવાનું સામે આવ્યું છે.
ડૉક્ટરોના મતે ગર્ભાવસ્થા દરમિયાન કરવામાં આવતી નિયમિત તબીબી તપાસ અનેક મહિલાઓમાં અગાઉ અજાણ રહી ગયેલી બીમારીઓનું સમસ્યાનું નિદાન કરવામાં મહત્ત્વની ભૂમિકા ભજવે છે. કેટલીક મહિલાઓમાં ગર્ભાવસ્થા દરમિયાન હૃદયના વાલ્વ સંબંધિત તકલીફો-હૃદયની માંસપેશી નબળી પડવાથી હૃદયનું રદ વધવાની સ્થિતિનું પણ નિદાન થાય છે તેમ જણાવતા ડૉ. લાલ ડાંગાએ ઉમેર્યું કે આવી તકલીફોનું સમયસર નિદાન-યોગ્ય સારવાર કરવામાં આવે તો કેટલાક કિસ્સામાં જીવન બચાવી શકાય છે. યોગ્ય સમયે નિદાન અને યોગ્ય સારવાર ખૂબ જ મહત્વની ભૂમિકા ભજવે છે.ડૉક્ટરોના મતે લાંબા સમય સુધી તણાવ, હતાશા અથવા ગુસ્સો પણ બ્લડ પ્રેશર અને હાર્ટ રેટમાં વધારો કરી શકે છે. જેના પરિણામે સમયજતાં કા ર્ડિયોવાસ્ક્યુલર સિસ્ટમ ઉપર દબાણ સર્જાય છે. હાલ હૃદયની સમસ્યાના દર્દીઓમાં વધારો નોંધાયો છે તેના માટે અઘટન જીવનશૈલી, મોડી રાત્રે ખાણી-પીણી, તણાવ જેવા પરિબળો જવાબદાર છે.
