બે હત્યા, છ આપઘાત, અકસ્માત, હૃદય બંધ પડી જવાથી અને બીમારીથી મોત થતા પરિવારમાં આનંદનો ઉત્સવ શોક માં છવાયો
કારખાનેદાર, ટ્રાવેલ્સના ધંધાર્થી અને આર એન્ડ બી ના કર્મચારી સહિત ૩૫થી ૫૬ વર્ષના ૧૦ લોકોના હૃદય થંભ્યા
Rajkot તા.૧૩ઃ
રાજકોટ શહેરમાં દીવાળીનો પર્વ આનંદ અને ઉત્સાહનો ક્ષણ લોકો ઉજવી રહયા હતા.સિવિલ હોસ્પિટલ ખાતે યેમ રાજાનો પડાવ હોય તેમ ચાર દિવસ દરમ્યાન ૪૦થી વધુ મૃતદેહના પીએમ થયા હતા. જેમાં ૨ હત્યા, ૬ આપઘાત, અકસ્માત અને ૧૦ જેટલાં લોકોનું હૃદય બંધ પડી જવાથી કે બીમારીથી મોત થતા પરિવારમાં આનંદનો ઉત્સવ શોક માં છવાયો હતો.આ અંગે મળતી માહિતી મુજબ નૂતન વર્ષે નિમિતે શહેરમાં અલગ અલગ વિસ્તામાં છેલ્લા ૩ દિવસમાં ૩૫ વર્ષીય યુવક સહિત ૧૦ લોકોના હદય થભી જતા મોત નીપજ્યા હતા.
બેભાન અવસ્થામાં મૃત્યુના બનાવ અંગે જોઈએ તો મવડી ગામ જુનો વણકર વાસ, શેરી નંબર ૨ રહેતા પ્રકાશભાઈ ગોવિંદભાઈ વાઘેલા ઉંમર વર્ષ ૩૬ વર્ષીય તા. ૯ ના રોજ સવારે ૮ વાગ્યાં આસપાસ પોતાના ઘરે હતા ત્યારે બેભાન થઈ જતા રાજકોટ સિવિલમાં લાવતા મૃત જાહેર કરાયા હતા. યુવકના મોતથી પરિવારમાં શોક છવાયો હતો. અન્ય બનાવમાં ગોકુલધામ ત્રણ માળીયા ક્વાર્ટરમાં રહેતા સોનલબેન દિલીપભાઈ ચૌહાણ ઉંમર વર્ષ ૩૫ વર્ષીય મહિલા તા. ૯ના સાંજે ૪ વાગ્યાં આસપાસ પોતાના ઘરે બેભાન થઈ જતા રાજકોટ સિવિલમાં લાવતા મૃત્યુ નીપજ્યું હતું. માલવયા નગર પોલીસે આ બંનેના મૃતદેહની પીએમ કરાવવા માટેની પ્રક્રિયા કરી હતી. અન્ય એક બનાવમાં રૈયાધાર સ્લમ ક્વાર્ટરમાં રહેતા ધરમશીભાઈ રૂડાભાઈ મકવાણા ઉંમર વર્ષ ૪૧ વર્ષીય આધેડને તા.૧૦ના સવારે ૫.૩૦ વાગ્યાં આસપાસ ઘરે હતા ત્યારે બેભાન થઈ જતા સિવિલ હોસ્પિટલમાં લાવતા ફરજ પરના ડોક્ટરે તેમને મૃત જાહેર કર્યા હતા. બીજા એક બનાવમાં કોઠારીયા સોલવન્ટ હાઉસિંગ બોર્ડના ક્વાર્ટમાં રહેતા દીપકભાઈ મનુભાઈ પાટડીયા ઉંમર વર્ષ ૪૬ વર્ષીય આધેડને તા. ૧૦ ના સવારે સવારે ૭૩૦ વાગ્યાં આસપાસ પોતાના ઘરે હતા
ત્યારે અચાનક બેભાન થઈ જતા સિવિલ હોસ્પિટલ ખસેડતા મૃત જાહેર કરાયા હતા. ગંજીવાડામાં રહેતા ધીરુભાઈ કેશુભાઈ ભોજાણી ઉંમર વર્ષ ૪૫ વર્ષીય આધેડને તા. ૧૦ના રોજ સવારે ૯૩૦ વાગ્યાં આસપાસ પોતાના ઘરે હતા ત્યારે બેભાન થઈ જતા સિવિલમાં લાવતા મૃત જાહેર કરાયા હતા. થોરાળા પોલીસે તેમના મૃતદેહને પીએમમાં ખસેડવા તજવીજ કરેલી. જ્યારે જંગલેશ્વર મેઇન રોડ, ૭૦ નંબરની સ્કૂલની સામે રહેતા મુકેશભાઈ કિશોરભાઈ દલસાણીયા ઉંમર વર્ષ ૩૭ વર્ષીય યુવક તા. ૧૦ને વહેલી સવારે ૪ વાગ્યાં આસપાસ પોતાના ઘરે હતા ત્યારે બેભાન થઈ જતા તત્કાલ સિવિલ હોસ્પિટલમાં ખસેડાયા હતા જોકે ડોક્ટર તેમની મૃત જાહેર કર્યા હતા ભક્તિનગર પોલીસે તેમના મુદ્દે પીએમ માટે ખસેડવા માટેની કાર્યવાહી કરી હતી.
યુવકના મોતથી પરિવારમાં શોક છવાયો હતો. અન્ય બનાવમાં રણછોડદાસ બાપુના આશ્રમ પાછળ ચામુંડા સોસાયટીમાં રહેતા પ્રેમજીભાઈ ડુંગરભાઈ મિયાત્રા ઉંમર વર્ષ ૫૫ વર્ષીય પ્રૌઢ તા.૧૦ના રોજ બપોરે ૧૨ વાગ્યાં આસપાસ પોતાના ઘરે બેભાન થઈ જતા હોસ્પિટલ ખસેડતા મૃત જાહેર કરાયા હતા.શહેરની આજીડેમ ચોકડી, સોમનાથ રેસીડેન્સીમાં રહેતા શિવાભાઈ ગગજીભાઈ મકવાણા ઉંમર વર્ષ ૫૬ વર્ષીય તા. ૧૧ ના રોજ બપોરે ૧૨ વાગ્યાં આસપાસ કણકોટ પાટીયા પાસે આર એન્ડ બી વિભાગની કચેરી ખાતે ફરજ પર હતા ત્યારે બેભાન થઈ જતા સિવિલ હોસ્પિટલમાં લાવતા મૃત જાહેર કરાયા હતા. પરિવારજનોએ જણાવ્યું કે, કચેરીમાં સાફ સફાઈ કરવાની હોવાથી શિવાભાઈ તે કામ માટે ગયા હતા. જ્યાં તેઓ અચાનક બેભાન થઈ ગયા હતા, પાછળથી ત્યાં કોઈ કર્મચારી પહોંચતા તેમને જોયું કે શિવાભાઈ બેભાન પડ્યા છે તેથી તેઓએ તેમને હોસ્પિટલ ખસેડ્યા હતા પરંતુ તેમનું મૃત્યુ નીપજ્યું હતું. શિવાભાઈ ૨ ભાઈ અને ૪ બહેન મોટા હતા. તેમને સંતાનમાં એક દીકરો અને એક દીકરી છે. મોતના બનાવથી પરિવારમાં શોક છવાયો હતો
શહેરના રેલનગરના મોહિલ ઉર્ફે શિવરાજ ચૌહાણ ઉંમર વર્ષ ૩૫ વર્ષીય ટ્રાવેલ્સના ધંધાર્થી દિવાળીના દિવસે છાતીમાં દુખાવો થતા હોસ્પિટલમાં ડોક્ટરને બતાવી ઈસીજી કરાવેલ. જેનો રિપોર્ટ સામાન્ય આવેલ. રાત્રે ફટાકડા ફોડી બધા સુઈ ગયા બાદ મોડી રાત્રિના સમયે શિવરાજને ફરી છાતીમાં અસહ્ય દુખાવો ઉપડ્યો અને બેભાન થઈ ગયેલ. ૧૦૮ એમ્બ્યુલન્સમાં તત્કાલ સિવિલ હોસ્પિટલ ખાતે ખસેડેલ પણ ડોકટરે મૃત જાહેર કરેલ. શિવરાજભાઈ એક ભાઈ અને એક બહેનમાં મોટા જતા. નવા વર્ષની ખુશીઓ વચ્ચે બનેલી આ ઘટનાએ પરિવાર માટે ખુશીના પ્રસંગને માતમમાં ફેરવી નાખ્યો હતો.
શહેર ઉમિયા ચોક નજીક હિમાલયા ૨ માં રહેતા મુકેશભાઈ કરસનભાઈ વેકરીયા નામના આધેડ ગઈકાલ રાત્રે સુતા બાદ સવારે ન જાગતા પરિવારે તાત્કાલિક ખાનગી હોસ્પિટલ બાદ રાજકોટ સિવિલ હોસ્પિટલમાં ખસેડવામાં આવ્યા હતા. જ્યાં સારવાર મળે તે પહેલાં તેમનું મોત નીપજ્યું હતું ઘટનાની જાણ હતા માલવિયા નગર પોલીસ સ્ટેશન નો સ્ટાફ દોડી ગયો હતો અને મૃતદેહને ખસેડવામાં આવ્યો હતો આ અંગે મૃતકનું હાર્ટ ફેઈલ થતા મોત થયાનું પ્રાથમિક તારણ જાણવા મળ્યું છે મૃતક હાર્ડવેરનુ કારખાનું ધરાવતા હતા અને ત્રણ ભાઈ ત્રણ બેન અને સંતાનમાં એક પુત્ર પિતાની છત્રછાયા ગુમાવતા પરિવારમાં ગમગીની છવાઈ હતી
