Surendaranagar,.27
સુરેન્દ્રનગર જિલ્લાના ચોટીલા તાલુકાના ખાટડી ગામમાં લોકલ ક્રાઇમ બ્રાન્ચ (એલસીબી)એ ચોક્કસ બાતમીના આધારે દરોડો પાડી વિદેશી દારૂના જથ્થા સાથે એક અર્ટીકા કાર ઝડપી પાડી છે. પોલીસે કુલ 8,44,771નો મુદ્દામાલ જપ્ત કરીને આરોપી સામે પ્રોહિબિશન અધિનિયમ હેઠળ ગુનો નોંધ્યો છે.
515 બોટલ વિદેશી દારૂ અને કાર કબજે
પોલીસને મળેલી માહિતીના આધારે ખાટડી ગામમાં આરોપીના રહેણાંક મકાન ખાતે તપાસ હાથ ધરવામાં આવી હતી. તપાસ દરમિયાન મારૂતિ સુઝુકી કંપનીની અર્ટીકા કાર નં. GJ-13-AB-0971માંથી વિવિધ બ્રાન્ડની 750 એમ.એલ. ક્ષમતાવાળી ભારતીય બનાવટની પરપ્રાંતીય ઇંગ્લિશ દારૂની કુલ 515 બોટલો મળી આવી હતી. દારૂની કિંમત 3,44,771 તેમજ કારની કિંમત 5,00,000 મળીને કુલ 8,44,771નો મુદ્દામાલ પોલીસે જપ્ત કર્યો હતો.
આરોપી સામે પ્રોહિબિશન હેઠળ ગુનો નોંધાયો
આ મામલે ખાટડી ગામના રહેવાસી રવુભાઈ રામભાઈ ખાચર સામે આણંદપુર પોલીસ સ્ટેશનમાં પ્રોહિબિશન અધિનિયમની જોગવાઈઓ હેઠળ ગુનો નોંધવામાં આવ્યો છે. પોલીસે આરોપી વિરુદ્ધ વધુ તપાસ શરૂ કરી છે અને દારૂના જથ્થાનો સ્ત્રોત તેમજ સપ્લાય ચેઇન અંગે પણ તપાસ હાથ ધરી છે.
એલસીબીની ટીમની મહત્વપૂર્ણ કામગીરી
આ સમગ્ર કામગીરી એલસીબીના પીઆઇ બી. એચ. શીંગરખીયા, પીએસઆઇ આર. જે. ગોહિલ, પેરોલ-ફર્લો સ્ક્વોડના એન. એ. રાયમા તેમજ સ્ટાફના એચસી મુન્નાભાઈ રાઠોડ, ઇંઈ દેવરાજભાઈ જોગરાજીયા, પીસી વજાભાઈ સાનિયા, સરદારસિંહ બારડ, પીસી કુલદીપભાઈ બોરીચા અને ઇંઈ યુવરાજસિંહ વાઘેલાની ટીમે સફળતાપૂર્વક પાર પાડી હતી.
