Washington, તા.૩
સિઓક્સ ફોલ્સ(અમેરિક) : અમેરિકાના પ્રમુખ Donald Trumpની નિષ્ફળ ગયેલી ટેરિફ નીતિ અને ઇરાન સામેના યુદ્ધમાં પણ ખાસ સફળતા ન મળવાથી બધી રીતે રેવડી દાણાદાળ થઈ ગઈ છે. તેથી હવે તેમણે મિડટર્મ ઇલેકશન જીતવા માટે અંતિમ દાવ ઉતરતા અમેરિકન ખેડૂતોને ૧૫ અબજ ડોલરની મફતની રેવડીનું વચન આપ્યું છે. તેનો હેતુ ડીઝલ અને ખાતરના ઊંચા ભાવના લીધે ખેડૂતોને પડેલા ફટકાની સામે વળતર આપવાનું રહેશે. તેમને આ ફટકો પણ ટ્રમ્પના ઊંચા ટેરિફ અને ઇરાન સામેના યુદ્ધના કારણે પડયો છે.આ બતાવે છે કે મફતની રેવડી હવે ફક્ત એશિયાઈ, આળિકન કે અવિકસિત દેશોનો જ ઇજારો રહી નથી. અમેરિકા જેવી મહાસત્તામાં પણ સત્તા ટકાવવા માટે આ પ્રકારની રેવડીનો ઇજારો લેવામાઁ ાવે છે. સામાન્ય રીતે ખેડૂતોને પરંપરાગત રીતે રિપબ્લિકન મતદારો માનવામાં આવે છે.
પણ આ વખતે ડીઝલના ભાવ ઊંચા જતા અને એન્ટિ ઇમિગ્રેશનની કવાયતના લીધે વિદેશી ખેતમજૂરો ભાગી જવાના કારણે ખેડૂતોની સ્થિતિ કપોડી થઈ છે ત્યારે તે કઈ બાજુ ઢળે તે કલ્પવું અકળ છે.ટ્રમ્પ તંત્રએ જાહેર કરેલી કુલ ૧૫ અબજ ડોલરની સહાયમાંથી આઠ અબજ ડોલરથી વધુની રકમ ખેડૂતોને ડીઝલના આકાશને આંબતા ભાવની સામે રાહત આપવા માટે વન ટાઇમ પેમેન્ટ તરીકે ચૂકવાશે. યુએસએફડીએએ જણાવ્યું હતું કે તે આ મહિને અડધાથી પણ વધુ પેમેન્ટ જારી કરશે. હવે તે સ્પષ્ટ નથી કે આ પેમેન્ટ ક્યારે ખેડૂતો પાસે જશે, જે ટ્રકે, ટ્રેકટરો વગેરે માટે ડીઝલ પર આધારિત હોય છે.આ ઉપરાંત પશુપાલકો અને માછીમારો માટે કમસેકમ પાંચ અબજ ડોલરની જાહેરાત કરવામાઁ આવી છે.
આ ઉપરાંત વધારાના ૧.૮ અબજ ડોલરની ચૂકવણી ખેડૂતો અને જમીન માલિકોને કરાશે. આ ચૂકવણી તે જમીન માલિકો અને ખેડૂતોને કરશે. ૫૭.૩ કરોડ ડોલર ફર્ટિલાઇઝર મેન્યુફેક્ચરિંગ પ્રોજેકટ્સને કરાશે અને ૫.૭ કરોડ ડોલર મીટ પ્રોસેસર્સને કરવામાં આવશે. ખાસ પાક ઉગાડનારાઓને ૮.૬૬ કરોડ ડોલરની વધારાની ગ્રાન્ટ નવા જ પ્રકારના પ્રોજેક્ટ માટે મળશે.હવે ટ્રમ્પનું આ પગલું ગ્રામીણ વિસ્તારોના ખેડૂતોને લોભાવી શકશે કે કેમ તે વિચારવા લાયક બાબત છે. ખાસ કરીને ટ્રમ્પે રવિવારે આયોવા અને કેન્સાસ જેવા વિસ્તારો પર ધ્યાન આપ્યું ત્યારે આ વાત વધુ સારી રીતે સમજાઈ હતી. ટ્રમ્પ તંત્રના કૃષિ વિભાગે ૧૫ અબજ ડોલરથી પણ વધુ રકમ આપવાની જાહેરાત કર્યા પછી એજન્સી ૨૦૨૫ના ક્રોપ યર માટે માપદંડમાં ફિટ બેસતા ખેડૂતો માટે ૧૩.૮ અબજ ડોલરનો સેફ્ટી નેટ પ્રોગ્રામ પેમેન્ટસ લાવવાનું આયોજન ધરાવે છે,
જેથી ખેડૂતોને મકાઈ, સોયાબીન, ઘઉં અને ચોખા જેવા મહત્ત્વના પાક લેતી વખતે પડતી ઘટને પહોંચી વળી શકાય.ગુરુવારે એજન્સીએ જણાવ્યું હતું કે તે ખેડૂત ઉત્પાદકોને સમર્થન આપવા કૃષિ કોમોડિટીઝ પાછળ ૪૭.૨૫ કરોડ ડોલરની ખરીદી કરશે. યુએસડીએએ પણ ઓફ રોડ યુઝ માટે ડીઝલનું વેચાણ વધાર્યુ છે. ખેડૂતો માટે ચાલુ વર્ષ અત્યંત નિરાશાજનક રહ્યુ છે. ખાતર અને ઇંધણનો ખર્ચ વધી જતાં તેમના માટે નફો કરવો મુશ્કેલ રહ્યો છે. ગયા વર્ષે ટેરિફના લીધે ખેડૂતો દ્વારા ઉપયોગમાં લેવામાં આવતા સાધનોના ખર્ચા વધ્યા હતા અને ચીન સાથેની ટ્રેડ વોરના લીધે અમેરિકન કૃષિ ઉત્પાદનોનો લગભગ બહિષ્કાર જ થયો હતો. શુક્રવારે અમેરિકામાં ડીઝલનો ભાવ પ્રતિ ગેલન ૬.૩૨ ડોલર હતો.
