Jamnagar તા ૪
જામનગર નજીક હાપા રેલવે સ્ટેશન વિસ્તારમાં રહેતી એક વિપ્ર યુવતી પોતાના ઘેરથી ગુમ થઈ જતાં પરિવારજનોમાં ચિંતા પ્રસરી છે. જે અંગે પોલીસને જાણ કરાઈ છે.
આ બનાવની વિગત એવી છે કે હાપા રેલવે સ્ટેશન નજીક અર્ચના-૪ માં રહેતી હેતલબેન હસમુખભાઈ જોશી નામની બાવીસ વર્ષીય અપરણીત વિપ્ર યુવતી, કે જે ગઈકાલે પોતાના ઘેરથી એકાએક લાપત્તા બની ગઈ હતી, તેણીનો કોઈ સ્થળે પતો સાંપડ્યો ન હતો, ઉપરાંત તેણીનો મોબાઇલ ફોન પણ સ્વીચ ઓફ થઈ ગયો હતો.
જે બનાવ અંગે હેતલબેન ના પરિવારજનો દ્વારા જામનગરના પંચકોશી એ. ડિવિઝન પોલીસ મથકમાં ગુમ નોંધ કરાવાઈ છે. જેથી પોલીસ ટુકડી તેણીને શોધી રહી છે.
