Gandhinagar, તા.1
ગુજરાતમાં એક સપ્તાહ સુધી સારો વરસાદ થવાની આગાહી વચ્ચે છેલ્લા ચોવિસ કલાકમાં 75 તાલુકાઓમાં વરસાદ વરસ્યો હતો. સૌથી વધુ સાડાચાર ઇંચ નવસારીમાં નોંધાયો હતો.
સ્ટેટ ઇમરજન્સી ઓપરેશન સેન્ટરના રીપોર્ટ પ્રમાણે મુખ્યત્વે દક્ષિણ ગુજરાતમાં વરસાદનું જોર હતું. સુરત, નવસારી, વલસાડ, ડાંગ તથા ભરૂચ જિલ્લામાં મોટાભાગના સ્થળોએ વરસાદ પડ્યો હતો. નવસારી શહેરમાં 115 મીમી, ચીખલીમાં 52 મીમી, જલાલપોરમાં 89 મીમી, વલસાડમાં 77 મીમી, ધરમપુરમાં 70 મીમી, પારડીમાં 611 મીમી, વાપીમાં 56 મીમી પાણી વરસ્યું હતું.
સુરત જિલ્લાના ઉમરપાડામાં 122 મીમી, સુરત શહેરમાં 94 મીમી, કામરેજમાં 92 મીમી, સોરઠમાં 67 મીમી, પલસાણામાં 46 મીમી, માંગરોળમાં 49 મીમી વરસાદ હતો. ડાંગના વધઇમાં 41 મીમી હતો. ભરૂચના અંકલેશ્વરમાં 59 મીમી, હાંસોટમાં 38 મીમી વરસાદ હતો. ગુજરાત સિવાયના ભાગોમાં છુટોછવાયો વરસાદ હતો.
છેલ્લા ચોવિસ કલાકમાં કુલ 29 જિલ્લાના 75 તાલુકામાં વરસાદ નોંધાયો હતો. આ સાથે સીઝનના કુલ વરસાદ 35.21 મીમી થયો છે જે 3.87 ટકા થવા જાય છે. રાજ્યમાં 47 તાલુકા હજુ કોરાધાકોડ છે જ્યાં સામાન્ય વરસાદ પણ થયો નથી. 157 તાલુકામાં બે ઇંચ સુધી, 48 તાલુકામાં 2 થી 5 ઇંચ તથા 16 તાલુકામાં 5 થી 10 ઇંચની રેન્જમાં વરસાદ થયો છે.
