ગાંધીનગર LCB અને SITદ્વારા ૨૫૯ કરોડના શંકાસ્પદ બેંક ટ્રાન્ઝેક્શન અને ૯૨થી વધુ ડમી બેંક ખાતાનો પર્દાફાશ
Gandhinagar, તા.૨૪
શેરબજારમાં રોકાણના નામે કરોડોની છેતરપિંડીમાં માહિર ટોળકી ‘સેધાજી ગેંગ’ વિરુદ્ધ ગુજરાતમાં પ્રથમવાર GCTOC (ધી ગુજરાત કંટ્રોલ ઓફ ટેરરિઝમ એન્ડ ઓર્ગેનાઈઝડ ક્રાઈમ) હેઠળ ગાંધીનગરમાં ઐતિહાસિક કાર્યવાહી કરવામાં આવી છે LCBઅને SIT દ્વારા ૨૫૯ કરોડના શંકાસ્પદ બેંક ટ્રાન્ઝેક્શન અને ૯૨થી વધુ ડમી બેંક ખાતાનો પર્દાફાશ કરાયો છે અને ૭ મુખ્ય સૂત્રધારો સામે ગુનો દાખલ કરી કાર્યવાહી હાથ ધરવામાં આવી છે. ગાંધીનગર ક્રાઇમ બ્રાન્ચના પીઆઈ. ડી.બી. વાળા અને તેમની ટીમ દ્વારા સાયબર અને આર્થિક ગુનાઓ આચરતી સંગઠિત ગુનાહિત ‘સેધાજી ગેંગ’ વિરુદ્ધ મોટી કાર્યવાહી કરવામાં આવી છે. ગુજરાતમાં પ્રથમવાર શેરબજારમાં રોકાણના નામે છેતરપિંડી કરતી ગેંગ વિરુદ્ધ ગુજસીટોક એકટ હેઠળ સાંતેજ પોલીસ સ્ટેશનમાં ગુનો દાખલ કરાયો છે. તપાસ દરમિયાન ૯૨થી પણ વધારે ડમી અને ભાડે લીધેલા બેંક ખાતાનો ગુનામાં ઉપયોગ થયો હોવાનું સામે આવ્યું છે. આ બેંક એકાઉન્ટોમાં આશરે ૨૫૯ કરોડના શંકાસ્પદ ક્રેડિટ-ડેબિટ ટ્રાન્ઝેક્શન થયેલા છે. દેશના અલગ-અલગ રાજ્યોમાંથી આ એકાઉન્ટ્સ વિરુદ્ધ કુલ ૧૪૭ ફરિયાદો નોંધાયેલી છે. નાયબ પોલીસ અધીક્ષક ડી.ટી. ગોહીલના અધ્યક્ષપણા હેઠળ રચાયેલી જીૈં્ દ્વારા કુલ ૧૦ ગુનાની તપાસ કરી ૯૫ આરોપીની અટકાયત સાથે કોર્ટમાં ચાર્જશીટ દાખલ કરાઈ છે. આ ગેંગનો મુખ્ય સૂત્રધાર સેધાજી ઉર્ફે પ્રકાશ જેસંગજી ઠાકોર સાગરીતો સાથે મળી ભારતીય શેરબજાર (NSE/BSE)માં લિસ્ટેડ કંપનીઓના શેર ખરીદ-વેચાણ કરતી સ્ટોક રિસર્ચ સેન્ટર કંપનીના બ્રોકર/એજન્ટ તરીકેની ખોટી ઓળખ આપતો હતો.સેબી (જીઈમ્ૈં) નું કોઈ લાયસન્સ ન હોવા છતાં, ‘MARKET PULSE’એપ્લિકેશન મારફતે શેરબજારની વધ-ઘટ જોઈ રોકાણકારોના નંબર મેળવતા હતા. રોકાણકારોને ઊંચા વળતર અને નફાની લાલચ આપી વિશ્વાસમાં લઈ ઓનલાઈન નાણાં ટ્રાન્સફર કરાવતા હતા. આ નાણાં કમિશનની લાલચ આપી ભાડે મેળવેલા ૯૨થી વધુ ડમી બેંક ખાતામાં જમા કરાવાતા હતા, ત્યારબાદ ઓનલાઈન, છ્સ્, ચેક કે આંગડિયા મારફતે ઉપાડી લેવાતા હતા.૧. સેધાજી ઉર્ફે પ્રકાશ જેસંગજી ઠાકોર (ગેંગ લીડર), કંકુપુરા, તા. વિસાણગર, ૭ ગુના, વોન્ટેડ, ૨. મીત પ્રકાશભાઈ રાવળ, વડનગર, ૫ ગુના જ્યુડિશિયલ કસ્ટડી, ૩. ગુણવંત ઉર્ફે લાલો અમૃતભાઈ પટેલ, કમાલપુર, તા. વિજાપુર, ૨ ગુના, હાલમાં અટક કરેલ, ૪. લવેશ જીકેશભાઈ પટેલ, વડનગર, ૪ ગુના, વોન્ટેડ, ૫. એન્જલ નટવરભાઈ પટેલ, ઊંઝા, ૩ ગુના, હાલમાં અટક કરેલ, ૬. જીતેન્દ્રકુમાર નટવરલાલ પટેલ, ઊંઝા, ૩ ગુના, હાલમાં અટક, ૭. મૌલિકસિંહ માનસિંહ ચાવડા, નવા ગામ, તા. તલોદ.
