New Delhi, તા.5
એઆઇ (આર્ટીફિશ્યલ ઇન્ટેલીજન્સ)નો ઉપયોગને બદલે દુરૂપયોગ વધુ થઇ રહ્યો છે. ફેક અને ડીપફેક વિડીયો બનાવીને લોકો સાથે ઠગાઇ આચરવામાં આવી રહી છે. હાલ આવો જ એક વિડીયો વાયરલ થયો છે.
જેમાં કેન્દ્રીય નાણામંત્રી નિર્મલા સિતારામન એક એવી રોકાણ યોજનાનું સમર્થન કરતા દેખાય છે. જે માત્ર રર હજાર રૂપિયાના રોકાણ પર મહિને 30 લાખ રૂપિયા કમાવવાનો દાવો કરવામાં આવ્યો છે.
આ વિડીયો જોઇને ઘણા લોકો તેને સરકારી યોજના સમજી રહ્યા છે. પરંતુ આ વિડીયોને સરકારની અધિકૃત ફેકટચેક એજન્સી પીઆઇબી ફેકટચેકે આ વિડીયોની સચ્ચાઇને બહાર લાવીને તેને બોગસ જાહેર કરી છે.
વિડીયોમાં એવો દાવો કરવામાં આવ્યો છે કે આ કોઇ વિજ્ઞાપન નથી પણ સરકાર તરફથી આપવામાં આવેલી ગેરંટી છે અને દેશની કોઇપણ બેન્ક આ યોજના અંતર્ગત પેમેન્ટ કરશે.
આ યોજના સીતારામન સમર્થન કરતા દેખાય છે પણ આ વિડીયો ફેક હોઇ પીઆઇબી ફેકટચેકે લોકોને સતર્ક રહેવા અપીલ કરી છે અને આવો કોઇ ફેક વિડીયો આવે તો તેના માટે વોટસએપ નંબર 87997 11259 ખાતે જાણકારી મોકલી શકાય છે.
