Chennai, તા.15
ચેન્નાઈ સુપર કિંગ્સના સ્ટાર ખેલાડી એમ.એસ. ધોનીની વાપસી માટે ચાહકો આતુરતાથી રાહ જોઈ રહ્યા છે, પરંતુ ઈજાને કારણે તેમની મેચ ફિટનેસ હજુ સંપૂર્ણ નથી. જોકે, નેટ્સમાં શરૂ કરેલી પ્રેકિ્ટસે તેમની જલ્દી વાપસીની આશા જગાવી છે.
પિંડળીની ઈજામાંથી સાજા થઈ રહેલા એમ.એસ. ધોનીની IPL 2026માં વાપસી માટે હજુ થોડો વધુ સમય રાહ જોવી પડી શકે છે. જોકે, તેઓ નેટ્સમાં થોડું-થોડું અભ્યાસ કરતા જોવા મળી રહ્યા છે, જેના પરથી સ્પષ્ટ થાય છે કે તેઓ મેચ ફિટનેસ મેળવવા પર ધ્યાન કેન્દ્રિત કરી રહ્યા છે.
28 માર્ચે સીઝનની શરૂઆતમાં ચેન્નાઈ સુપર કિંગ્સે પોતાના નિવેદનમાં જણાવ્યું હતું કે, ધોની પહેલા બે અઠવાડિયા માટે બહાર રહી શકે છે. હાલ ધોની ટીમના અન્ય ખેલાડીઓ સાથે પ્રેકિ્ટસ કરી રહ્યા છે, પરંતુ તેઓ ફક્ત થ્રોડાઉનનો સામનો કરી રહ્યા છે અને હજુ સંપૂર્ણ રીતે ફિટ થયા નથી.
સોમવારે, KKR સામેની મેચની પૂર્વસંધ્યાએ, તેણે ચેપોક ખાતે CSKના પ્રેકિ્ટસ સત્રના અંતિમ તબક્કા દરમિયાન થોડી પ્રેકિ્ટસ કરી હતી. પરંતુ ફરી એકવાર, તેણે બેટિંગ કોચ માઈક હસ્સી સહિત સપોર્ટ સ્ટાફ પાસેથી ફક્ત થ્રોડાઉન લીધા હતા.
જ્યારે હસીએ પ્રેકિ્ટસ પિચના મધ્યમાં બોલ ફેંક્યો, ત્યારે એક બોલ ધોનીના બેટના જોડ પર લાગ્યો. પરંતુ જ્યારે બોલ યોગ્ય લંબાઈમાં મળ્યો, ત્યારે ધોનીએ બોટમ હેન્ડનો ઉપયોગ કરીને બોલને મિડવિકેટ બાઉન્ડરી તરફ મોકલી દીધો. ત્યારબાદ તેમણે એક વધુ બોલને લેગ સાઇડમાં `જે’ સ્ટેન્ડ તરફ ફટકારી દીધો.
