(નયના દવે દ્વારા) Jamnagarતા.૧૨
જામનગર ની એમપી શાહ મેડિકલ કોલેજ ને ઇન્ટરનેશનલ ઇન્સ્ટિટ્યૂશનલ રેન્કિંગ ફ્રેમવર્ક દ્વારા જાહેર કરવામાં આવેલા રેન્કિંગ માં દેશ માં ૪૭ મો અને રાજ્યમાં બીજો ક્રમ મળ્યો છે. આમ જામનગર માટે આ બાબત ગૌરવ પૂર્ણ કહી શકાય.
ઇન્ટરનેશનલ ઇન્સ્ટિટ્યૂશનલ રેન્કિંગ ફ્રેમવર્ક નામની થર્ડ પાર્ટી સંસ્થા દ્વારા દેશભર ની મેડીકલો માં મૂલ્યાંકન કરવામાં આવે છે .અને ત્યાર પછી રેન્ક આપવામાં આવે છે. આ સંસ્થા દ્વારા પોતાના જુદા જુદા સોર્સ મારફત મેડિકલ કોલેજો ની માહિતી એકત્ર કરવામાં આવે છે. જેમાં ફેકલ્ટીની ગુણવત્તા સાધન સામગ્રી , રિસર્ચ ,સહિતના માપદંડ ધ્યાનમાં રાખવામાં આવે છે અને તેના આધારે રેન્કિંગ આપવામાં આવે છે.
તાજેતરમાં કરાયેલા સર્વે પછી આઈ આઈ આર એફ નામની આ સંસ્થાએ દેશભરની મેડિકલ કોલેજો માટે ના રેન્ક જાહેર કર્યા છે જેમાં જામનગરની એમપી શાહ મેડિકલ કોલેજને દેશમાં ૪૭ મો અને રાજ્ય માં બીજો ક્રમ મળ્યો છે. તેમ જામનગર ની એમ. પી. શાહ મેડિકલ કોલેજ ના ડીન ડો. નંદીની દેસાઈ એ જણાવ્યું છે. આ કોલેજને ૧૦૦૦ માંથી ૮૯૦ થી વધુ માર્ક મળ્યા છે. જ્યારે પ્રથમ નંબર વડોદરા ની મેડિકલ કોલેજને મળ્યો છે.
આમ દેશની ટોપ ૫૦ કોલેજમાં જામનગરની એમ .પી. શાહ મેડિકલ કોલેજે સ્થાન મેળવી ને ગૌરવ વધાર્યું છે.
