છેલ્લે ક્રિતિ સેનનની ‘તેરી બાતોં મેં ઐસા ઉલઝા જિયા’ અને ‘ક્રૂ’ ખુબ વખણાઈ હતી, આ સાથે તેણે પોતાનું પ્રોડક્શન હાઉસ પણ શરૂ કર્યું
Mumbai તા.૩૧
ક્રિતિ સેનનના કારણે નવી ચર્ચો શરૂ થઈ છે. આ ચર્ચા એવી છે કે ફરહાન અખ્તરની ‘ડોન ૩’માં ક્રિતિ જોવા મળશે. કેટલાક ઓનલાઇન પાપરાઝી દ્વારા એક વીડિયો શેર કરવામાં આવ્યો છે. જેમાં ક્રિતિની કાર ઓફિસમાં પ્રવેશ કરતી દેખાય છે. જેમાં ક્રિતિ બ્લૅક એન્ડ વ્હાઇટ કેઝ્યુઅલ ડ્રેસમાં વાળ અડધા ઉંચા બાંધીને દેખાતી હતી. તેના આ લૂક અને આ મુલાકાતથી હવે ચર્ચાઓ અને અફવાઓ શરૂ થઈ છે કે રણવીર સિંહ સાથે ‘ડોન ૩’માં ક્રિતિ જોવા મળશે.હવે શાહરુખના બદલે રણવીર સિંહ ડોનની સ્ટોરી આગળ વધારશે, તે વાત તો જાહેર છે, જેમાં પહેલાં આપણે અમિતાભ બચ્ચન અને શાહરુખ ખાનને જોઈ ચૂક્યા છીએ. એવા પણ અહેવાલો હતા કે આ ફિલ્મમાં વિક્રાંત મેસ્સી વિલનના રોલમાં જોવા મળશે. પ્રેગનન્સીના કારણે કિઆરા અડવાણીએ જ્યારે ‘ડોન ૩’ છોડી ત્યારે ઘણા લોકોને એ જાણવાની ઉત્સુકતા હતી કે હવે આ રોલ કોણ કરશે. છેલ્લે ક્રિતિ સેનનની ‘તેરી બાતોં મેં ઐસા ઉલઝા જિયા’ અને ‘ક્રૂ’ ખુબ વખણાઈ હતી. આ સાથે તેણે પોતાનું પ્રોડક્શન હાઉસ પણ શરૂ કર્યું, તેની પહેલી ફિલ્મ ‘દો પત્તી’માં પણ ક્રિતિ પહેલી વખત ડબલ રોલમાં જોવા મળી અને તેના અભિનયના વખાણ પણ થયા. તેમાં તેની સાથે કાજોલ પણ હતી. હાલ ક્રિતિ ધનુષ સાથે આનંદ એલ રાયની ‘તેરે ઇશ્ક મેં’માં વ્યસ્ત છે.જો ડોનની વાતો તાજી કરવામાં આવે તો પહેલી ફિલ્મ સલીમ જાવેદ દ્વારા લખી હતી, તે ચંદ્ર બારોટ દ્વારા ડિરેક્ટ કરવામાં આવી હતી. આ ફિલ્મમાં અમિતાભ બચ્ચન લીડ રોલમાં હતા. પછીથી ફરહાન અખ્તરે આ ફિલ્મનો બીજો ભાગ બનાવ્યો, જેમાં શાહરુખ ખાન, પ્રિયંકા ચોપરા અને બોમન ઇરાની લીડ રોલમાં હતા. હવે ફરહાને રણવીર સિંહ સાથે ‘ડોન ૩’ની જાહેરાત કરી છે. થોડા વખત પહેલાં ફરહાને એક ઇન્ટરવ્યુમાં જણાવ્યું હતું, “રણવીર તોફાની છે, અનર્જીથી ભરપુર છે, આ રોલ માટે એ જરુરી છે, એ લક્ષણો એનામાં છે. મને લાગે છે કે તેના અભિનયના આ પાસાની વાત કરીએ તો, એ હજુ કોઈએ બતાવ્યું નથી. ડોન તેની પાસેથી ઘણા અલગ પર્ફોર્મન્સની આશા રાખે છે. તમે તેને અલગ અવતારમાં જોશો.”
