Mumbai,તા.01
એમેઝોન એમજીએમ સ્ટુડિયોઝ અને એક્સેલ એન્ટરટેઈનમેન્ટ મળીને ’મિર્ઝાપુર’ના એ જ જૂના ભૌકાલને હવે સીધો મોટા પડદા પર ઉતારવાની તૈયારીમાં છે. ઓટીટીની દુનિયા પર રાજ કરનારી ભારતની સૌથી સફળ અને લોકપ્રિય ફ્રેન્ચાઇઝી હવે પહેલીવાર થિયેટરોમાં એક મહા-સિનેમેટિક ધમાકા તરીકે બદલાવા જઈ રહી છે. ફેન્સની આતુરતાનો અંત લાવતાં મેકર્સે મોટી જાહેરાત કરી દીધી છે. ફિલ્મનાં મેકર્સે ’મિર્ઝાપુર’ની રિલીઝ ડેટ જાહેર કરી દીધી છે.
ક્યારે રિલીઝ થશે ફિલ્મ મિર્ઝાપુર
’મિર્ઝાપુર: ધ મૂવી’ 4 સપ્ટેમ્બર 2026ના રોજ વિશ્વભરનાં સિનેમાઘરોમાં ધમાકો કરવા આવી રહી છે. ઓટીટીની દુનિયામાં તહેલકો મચાવ્યા બાદ, ભારતની સૌથી મોટી અને કલ્ટ ફ્રેન્ચાઇઝી ’મિર્ઝાપુર’ અત્યાર સુધીનો પોતાનો સૌથી મોટો કુદકો મારવા જઈ રહી છે.
જી હા, કાલીન ભૈયા અને ગુડ્ડુ પંડિતનો ભૌકાલ હવે સીધો મોટા પડદા પર દેખાવાનો છે કારણ કે ’મિર્ઝાપુર: ધ મૂવી’ થિયેટરોમાં રિલીઝ થવા માટે તૈયાર છે. પોતાના આ ખૂંખાર અને ગાદીની લડાઈ વાળા કડક યુનિવર્સને પહેલીવાર મોટા કેનવાસ પર ઉતારતા મેકર્સ આને વર્ષ 2026નો સૌથી મોટો ધમાકો બનાવવામાં લાગેલા છે. દમદાર ડાયલોગ્સ, રૂવાડા ઉભા કરી દે તેવા એક્શન અને હાઈ-વોલ્ટેજ ડ્રામાનો આ ડબલ ડોઝ ફેન્સને એક કલ્ટ સિનેમેટિક અનુભવ આપવાનું વચન આપે છે.
રિલીઝના 100 દિવસ બાકી :-
આ દરમિયાન, ફેન્સના ધબકારા વધારતા ફિલ્મનું ઓફિશિયલ કાઉન્ટડાઉન શરૂ થઈ ચૂક્યું છે, ’મિર્ઝાપુર: ધ મૂવી’ને થિયેટરોમાં રાજ કરવામાં હવે માત્ર 100 દિવસ બાકી છે. આ મોટી જાહેરાત બાદથી જ સોશિયલ મીડિયા પર ફેન્સમાં આતુરતા ચરમસીમાએ છે, જેઓ સત્તા, બદલો અને મિર્ઝાપુરના એ ગન-પાઉડર વાળા માહોલમાં ફરીથી ડૂબવા માટે બેતાબ બેઠા છે.
મિર્ઝાપુરની સ્ટારકાસ્ટ
મોટા પડદાની આ ફિલ્મ પહેલાં કરતાં વધુ ખૂંખાર એક્શન સીન્સ, મગજ હલાવી દે તેવા ટ્વિસ્ટ્સ અને એવા ખતરનાક વળાંકોથી સજ્જ હશે જે મિર્ઝાપુરની આખી વાર્તાને બદલી દેશે. સૌથી મોટી વાત એ છે કે આ મહા-મુકાબલામાં પંકજ ત્રિપાઠી, અલી ફઝલ અને દિવ્યેન્દુ જેવા જૂના અને લોકપ્રિય પાત્રોની ટોળકી તો પરત ફરી જ રહી છે, સાથે જ કેટલાક નવા ચહેરાઓની એન્ટ્રીથી વાર્તાના ડાયનેમિક્સ પૂરી રીતે બદલાઈ જવાના છે.
એમેઝોન એમજીએમ સ્ટુડિયોઝ અને એક્સેલ એન્ટરટેઈનમેન્ટની આ રજૂઆતને ડિરેક્ટ કરી છે ગુરમીત સિંહે, જ્યારે આની કડક સ્ક્રિપ્ટ પુનીત ક્રિષ્ણાએ લખી છે. રિતેશ સિધવાની અને ફરહાન અખ્તરના પ્રોડક્શન એક્સેલ એન્ટરટેઈનમેન્ટમાં બનેલી આ મોસ્ટ-અવેટેડ ફિલ્મ 4 સપ્ટેમ્બર 2026ના રોજ દુનિયાભરનાં સિનેમાઘરોમાં તબાહી મચાવવા માટે આવી રહી છે.
