Mumbai,તા.01
બાળપણની એ યાદો, ’બાય ધ પાવર ઓફ ગ્રેસ્કલ’ બૂમો પાડતાં તલવાર ઉઠાવીને હી-મેનમાં બદલાતો પ્રિન્સ એડમ. જેને જોઈને આપણને થતું હતું કે કાશ એવી શક્તિઓ અને તલવાર આપણી પાસે પણ હોત અને આપણે પણ તેની જેમ શક્તિશાળી બની જઈએ.
1980ના દાયકાનાં બાળકોની હી-મેન અને તેનાથી જોડાયેલી ઘણી યાદો હશે. પરંતુ હવે એ જ હી-મેન 40 વર્ષ પછી મોટા પડદા પર લાઈવ-એક્શન અવતારમાં આવી રહ્યો છે. એમેઝોન એમજીએમ સ્ટુડિયોઝ અને મેટેલ ફિલ્મ્સની ’માસ્ટર્સ ઓફ ધ યુનિવર્સ’ 5 જૂન 2026ના રોજ ભારત સહિત વિશ્વભરનાં થિયેટરોમાં રિલીઝ થઈ રહી છે. ચાલો જાણીએ કોણ છે આ હી-મેન, ભારતમાં ક્યારે રિલીઝ થશે આ ફિલ્મ અને કેટલું છે બજેટ, શું ખાસ લાવશે.
◘ હી-મેનની વાર્તા : ટોયથી ગ્લોબલ આઇકન સુધી
હી-મેનની વાત કરીએ તો આપણે 1970ના દાયકાનાં અંતિમ વર્ષોમાં જવું પડશે. જ્યારે મૈટેલ કંપનીએ કોનન ધ બાર્બેરિયન જેવી લાઇન બનાવવાનો પ્રયાસ કર્યો હતો. ડિઝાઇનર માર્ક ટેલર અને રોજર સ્વીટે એક મસ્ક્યુલર, જંગલી યોદ્ધાનો કોન્સેપ્ટ બનાવ્યો. આ રીતે 1981માં માસ્ટર્સ ઓફ ધ યુનિવર્સ ટોય લાઇન લોન્ચ કરવામાં આવી હતી. હી-મેનનું અસલી નામ પ્રિન્સ એડમ છે.
અને તે એટર્નિયા નામનાં પ્લેનેટનો રાજકુમાર છે, જે જાદુગરની મદદથી તલવાર ઉઠાવીને સૌથી શક્તિશાળી યોદ્ધા બની જાય છે. 1983માં ફિલ્મેશનની એનિમેટેડ સિરીઝ ’હી-મેન એન્ડ ધ માસ્ટર્સ ઓફ ધ યુનિવર્સ’માં ટીવી પર ધમાલ મચાવી દીધી. 130થી વધુ એપિસોડ, નૈતિક સંદેશ અને સ્કેલેટર જેવા ખતરનાક વિલન સાથે બધાએ કનેક્શન સ્થાપિત કરી લીધાં.
હી-મેન માત્ર ટોય નહીં, પરંતુ 1980તના પોપ કલ્ચરનું પ્રતીક બની ગયો. 1987માં પહેલી લાઈવ-એક્શન ફિલ્મ આવી, પરંતુ તે બોક્સ ઓફિસ પર સરેરાશ રહી. હવે 2026 વાળું વર્ઝન નવી આશા લઈને આવ્યું છે.
◘ હી-મેન એન્ડ ધ માસ્ટર્સ ઓફ ધ યુનિવર્સનું ટ્રેલર
પૃથ્વી પર ઉછરેલાં યુવાન એડમને ખબર પડે છે કે તે એટર્નિયાનો પ્રિન્સ છે. તેણે તેની મેજિક પાવર સોર્ડ (જાદુઈ તલવાર) શોધવી પડશે અને સ્કેલેટરની અનિષ્ટતાથી પોતાના ઘરને બચાવવું પડશે. ટ્રેલરમાં પ્રેક્ટિકલ સેટ્સ, કલરફુલ કોસ્ટ્યૂમ્સ, એપિક બેટલ અને નોસ્ટાલ્જિક વાઇબ દેખાઈ રહી છે.
– ટ્રેવિસ નાઇટ, ફિલ્મનાં ડાયરેક્ટર
◘ ફિલ્મનાં ડાયરેક્ટર અને સ્ટારકાસ્ટ
ફિલ્મનું નિર્દેશન ટ્રેવિસ નાઇટે કર્યું છે. ફિલ્મમાં હી-મેનના રોલમાં નિકોલસ ગેલિત્ઝીન છે જ્યારે જેરેડ લેટો વિલન સ્કેલેટરનું પાત્ર ભજવી રહ્યાં છે. તેમની સાથે કેમિલા મેન્ડેસ, ઇદ્રિસ એલ્બા, એલિસન બ્રાય અને મોરેના બેકારિન પણ છે.
યાહૂ ડોટ કોમ અનુસાર, ફિલ્મનાં ડાયરેક્ટર ટ્રેવિસ નાઇટે કહ્યું, ’હી-મેનને અસલી જીંદગીમાં હરતો-ફરતો જોઈને મને લાગ્યું જાણે હું ફરીથી બાળક બની ગયો છું. હું આ નાની-નાની પ્લાસ્ટિક એક્શન ફિગર્સ સાથે રમતો હતો, અને હવે આ વિશાળ, અસલી માણસોને શાનદાર કોસ્ટ્યૂમ્સમાં જોવા મારા માટે ખૂબ જ ભાવુક કરનારી ક્ષણ હતી.’
ફિલ્મનું બજેટ :- વિકિપીડિયા અનુસાર, હી-મેન એન્ડ ધ માસ્ટર્સ ઓફ ધ યુનિવર્સ પાછળ 170-200 મિલિયન ડોલર આશરે 1700-1900 કરોડ રૂપિયા ખર્ચાયા છે. આ 2026ની સૌથી મોંઘી ફિલ્મોમાંની એક છે.
આટલું મોટું બજેટ એટલા માટે છે કારણ કે મૈટેલ આ ફ્રેન્ચાઇઝીને ગ્લોબલ લેવલ પર રિવાઇવ કરવા માંગે છે, નવી જનરેશનને આકર્ષવાની સાથે 80ત નોસ્ટાલ્જીયા પણ આની સાથે જોડાયેલો છે. ફિલ્મની લંબાઈ 141 મિનિટ એટલે કે 2 કલાક 21 મિનિટ છે.
શું તમે તૈયાર છો? :- 80તના દાયકાના નોસ્ટાલ્જીયાને જગાડનારી હોલીવુડની બ્લોકબસ્ટર ફિલ્મ હી-મેન એન્ડ ધ માસ્ટર્સ ઓફ ધ યુનિવર્સ ભારતમાં 5 જૂન 2026ના રોજ હિન્દી, તમિલ, તેલુગુ અને મલયાલમ સહિત ઘણી ભાષાઓમાં રિલીઝ થઈ રહી છે.
આ ફિલ્મને આઈમેક્સ અને 4ઊં સ્ક્રીન્સ પર રિલીઝ કરવામાં આવી રહી છે. બાળકોથી લઈને 80-90ના દાયકાના ફેન્સ માટે આ ફિલ્મ સ્પેશિયલ બનવાની છે. હવે જોવાનું એ રહેશે કે હી-મેન આ વખતે શું જાદુ ચલાવી શકે છે.
