૧૪૦ સિરીઝના પ્રમોશનલ કોલ કોઈ એપ નહીં પરંતુ ડીએનડી રજિસ્ટ્રી જ બ્લોક કરી શકે: ટ્રાઇની સ્પષ્ટતા
New Delhi, તા.૧૧
કોઇ પણ એપ ૧૬૦૦ નંબરની સિરીઝથી આવનારા ફોન કોલને બ્લોક કરી શક્તી નથી. આ સિરીઝવાળા ફોન કોલ રેગ્યુલેટેડ સંસ્થાઓ અને સરકાર દ્વારા નાગરિકોથી વાતચીત માટે હોય છે તેમ ટેલિકોમ રેગ્યુલેટર ટ્રાઇએ શુક્રવારે એક નિવેદનમાં જણાવ્યું છે.ટેલિકોમ રેગ્યુલેટરી ઓથોરિટી ઓફ ઇન્ડિયા (ટ્રાઇ)એ વધુમાં સ્પષ્ટતા કરી છે કે ૧૪૦ નંબરની સિરીઝથી આવતા પ્રમોશનલ કોલને કોઇ એપ ટેગ કે ફિલ્ટર કરી શક્તા નથી અને તેમને ફક્ત ડીએનડી રજિસ્ટ્રી જ બ્લોક કરી શકે છે. જેને રગ્યુલેટર મેનેજ કરે છે .ટેલિકોમ કોમર્શિયલ કોમ્યુનિકેશન્સ કસ્ટમર પ્રેફરેન્સ રેગ્યુલેશન (ટીસીસીસીપીઆર) હેઠળ ૧૫૦૦ સિરીઝની નંબરથી આવતા કોલને ટેગ કરવા, બ્લોક કરવા કે ફિલ્ટર કરવાની મંજૂરી નથી.રેગ્યુલેટરે જણાવ્યું છે કે તેેણે આરબીઆઇ, સેબી, આઇઆરડીએઆઇ અને પીએફઆરડીએ દ્વારા રેગ્યુલેટેડ બેકિંગ, ફાઇનાન્સિયલ સર્વિસ અને વીમા કંપનીઓને પોતાના વર્તમાન કસ્ટમર માટે સર્વિસ અને ટ્રાન્ઝેકશન કોલ માટે ૧૬૦૦ સિરીઝનાં નંબરોનો ઉપયોગ જરૂરી બનાવી દીધું છે, સરકારની નાગરિકો સાથે વાતચીત માટે પણ સરકારી કંપનીઓ ૧૬૦૦ નંબરની સિરીઝનો ઉપયોગ કરે છે.રેગ્યુલેટરે જણાવ્યું છે કે જરૂરી વાતચીત માટે ખાસ સિરીઝ આપવાનો ઉદ્દેશ નાગરિકો માટે આવા કોલને વિશ્વાસપાત્ર બનાવવાનો છે.૧૪૦નંબરની સિરીઝથી શરૂ થતા કોલ અંગે ટ્રાઇએ જણાવ્યું છે કે આ રજિસ્ટર્ડ ટેલિમાર્કેટરનાં ઉપયોગ માટે છે. કસ્ટમરને ડૂ નોટ ડિસ્ટર્બ (ડીએનડી) રજિસ્ટ્રી પર પોતાની પસંદ રજિસ્ટર કરીને કોઇ પણ અથવા તમામ સેક્ટરની કંપનીઓથી ૧૪૦ સિરીઝનાં નંબરોથી આવતા પ્રમોશનલ કોલને અલાઉ કે બ્લોક કરવાનો અધિકાર છે.
