અરજદારની અરજી મંજૂર કરવા રૂ.5000 ની લાંચ મંગાઈ, વહીવટી તંત્રે પટ્ટાવાળાને છૂટ્ટો કર્યો
Rajkot તા.08
રાજકોટમાં સ્ટેમ્પ ડ્યુટી વિભાગનો આઉટસોર્સનો કોન્ટ્રાક્ટ આધારિત કર્મચારી રૂ.5000 ની લાંચ માંગતો હોય તેવો વિડીયો વાયરલ થયા બાદ વહીવટી તંત્ર દ્વારા આ કર્મચારીને છુટ્ટો કરી સંતોષ માની લેવામાં આવ્યો છે. જાગૃત નાગરિક દ્વારા બનાવવામાં આવેલા આ વીડિયોમાં અરજી મંજૂર કરવા માટે કચેરીના કર્મચારી દ્વારા લાંચ માંગવામાં આવે છે. જેમાં અરજદાર રૂ.2000 આપતો નજરે પડે છે. જેમાં લાંચ માંગતો પટ્ટાવાળો અન્ય ફિરોઝભાઇનું નામ લે છે. જોકે વહીવટી તંત્ર દ્વારા અન્ય કર્મચારીનો ખૂલાસો કરવામાં ન આવી સમગ્ર લાંચ પ્રકરણ પર ઢાંક પીછોડો કરવામાં આવતા આશ્ચર્ય જનમ્યું છે. વિડીયો ધ્યાનમાં આવતા આઉટ સોર્સિંગના પટ્ટાવાળા છે તેમને છૂટા કરી દેવામાં આવ્યા છે. વીડિયોમાં ફિરોઝભાઈ નામના અધિકારીનું નામ લેવામાં આવે છે. આમાં ખાતાકીય તપાસ કરવામાં આવશે અને ત્યારબાદ નિર્ણય લેવામાં આવશે.
