Ahmedabad,તા.૧૨
દિવાળીના પર્વ પર Suratમાં રહેતા સૌરાષ્ટ્ર ઉત્તર ગુજરાત અને મધ્ય ગુજરાતના લોકો મોટી સંખ્યામાં પોતાના ગામ-શહેર જતા હોય છે. તેમને મુસાફરીમાં મુશ્કેલી ન પડે તે માટે એક્સ્ટ્રા બસોનું સંચાલન ચોથી નવેમ્બરથી નવમી નવેમ્બર સુધી કરવામાં આવશે. મુસાફરો અગાઉથી સીટ બુક કરાવી શકશે અને ગ્રુપમાં જતા લોકો માટે ગ્રુપ બુકિંગની પણ સગવડ રાખવામાં આવી છે.
નિગમના આયોજન મુજબ સૌથી વધુ બસો સૌરાષ્ટ્રનાં વિવિધ શહેરો તરફ દોડાવાશે. આ ઉપરાંત ઉત્તર અને મધ્ય ગુજરાતનાં શહેરો માટે પણ વધારાની બસો મૂકવામાં આવી છે. મુસાફરોને નિર્ધારિત બસ સ્ટેશન અને પિકઅપ પોઇન્ટ પરથી બસ મળશે.
Surat વિભાગના અધિકારીની માહિતી પ્રમાણે, સૌરાષ્ટ્ર તરફની બસો ધામડકા હાઇવે અને વરાછા રોડ પરના મેદાન સહિતનાં નક્કી કરેલાં સ્થળોએથી ઉપડશે. દાહોદ, ગોધરા, ઝાલોદ અને પંચમહાલ તરફ જતી બસો માટે એસટી સેન્ટ્રલ બસ સ્ટેશનની સામેના સિટી સ્ટેન્ડ સહિતનાં સ્થળો રાખવામાં આવ્યાં છે. આ બસો મુખ્યત્વે સાંજે ૪ વાગ્યાથી રાત્રે ૧૦ વાગ્યા દરમિયાન દોડશે. સીટ મેળવવા માટે એડવાન્સ બુકિંગની સુવિધા ઉપલબ્ધ રહેશે, જ્યારે ગ્રુપમાં મુસાફરી કરનારા લોકો ગ્રુપ બુકિંગ પણ કરાવી શકશે.
મુસાફરો એસટી સેન્ટ્રલ, અડાજણ, ઉધના, કામરેજ અને કડોદરા સહિતનાં નિગમનાં બસ સ્ટેશનોની બુકિંગ વિન્ડો પરથી ટિકિટ લઈ શકશે. આ ઉપરાંત જીએસઆરટીસીની મોબાઇલ એપ અથવા સત્તાવાર વેબસાઇટ પરથી ઓનલાઈન બુકિંગ પણ કરી શકાશે. તહેવારમાં વતન જતા લોકોની વધતી ભીડને ધ્યાનમાં રાખીને આ આયોજન કરાયું છે, જેથી સમયસર બસ મળી રહે અને મુસાફરીમાં પડતી મુશ્કેલી ઓછી થાય.
