Bangalore,તા.15
રોયલ ચેલેન્જર્સ બેંગ્લોર (RCB) આજે તેમના હોમ ગ્રાઉન્ડ પર લખનૌ સુપર જાયન્ટ્સ (LSG) સામે વિજય મેળવવા માટે ફરી એકવાર તેમની મજબૂત બેટિંગ લાઇન-અપ પર આધાર રાખશે.
રોયલ્સ હાલમાં પોઈન્ટ ટેબલમાં ત્રીજા સ્થાને છે, ટેબલ-ટોપ પર રહેલી રાજસ્થાન રોયલ્સથી બે પોઈન્ટ પાછળ છે અને પંજાબ કિંગ્સથી એક પોઈન્ટ પાછળ છે. બીજી તરફ, લખનૌમાં સાતત્યનો અભાવ રહ્યો છે અને તે ચાર મેચમાંથી બે જીત અને બે હાર સાથે સાતમા સ્થાને છે.
બેંગલુરૂ ટીમે એકજૂટ થઈ પ્રદર્શન કર્યું છે. તેમની બેટિંગની તાકાત તેમના ટોચના પાંચ બેટ્સમેનોના સ્ટ્રાઇક રેટમાં પ્રતિબિંબિત થાય છે. વિરાટ કોહલી (162), ફિલ સોલ્ટ (178), રજત પાટીદાર (214), ટિમ ડેવિડ (221) અને દેવદત્ત પડિકલ (201) એ IPL 2026 માં બધા વિરોધીઓને સ્પર્ધા આપી છે. આ પાંચ બેટ્સમેનોએ ચાર મેચમાં 52 છગ્ગા ફટકાર્યા છે. જે આ સિઝનમાં અન્ય ટીમ થી સૌથી વધુ છે.
LSGનું બોલિંગ આક્રમણ મજબૂત છેઃ બેંગલુરૂના ટોચના બેટ્સમેનોએ લખનૌના અનુભવી અને શક્તિશાળી બોલિંગના મુશ્કેલ પડકારનો સામનો કરવો પડી શકે છે. LSGના આક્રમણમાં અનુભવી ભારતીય ઝડપી બોલર મોહમ્મદ શમીની ટીમમાં પ્રિન્સ યાદવ અને દિગ્વેશ રાઠીનો સમાવેશ થાય છે.
આ ત્રિપુટીએ વિરોધી ટીમોને મોટાભાગે નિયંત્રણમાં રાખી છે. શમીનો 6.2નો ઇકોનોમી રેટ નિયમિત બોલરોમાં શ્રેષ્ઠ છે. જોકે, કજૠની વાસ્તવિક ચિંતા કેપ્ટન ઋષભ પંતની આગેવાની હેઠળની બેટિંગ લાઇનઅપ છે.
