Salman Khanના બોડીગાર્ડ શેરાનો પુત્ર ડેબ્યુ માટે તૈયાર

વર્ષો દરમ્યાન સલમાને સોનાક્ષી સિંહા, ઝરીન ખાન, ડેઝી શાહ અને સાઈ માંજરેકર સહિત અનેક નવોદિતોને સમર્થન આપ્યું છે

Mumbai, તા.૧૪

Salman Khanનો લાંબા સમયથી બોડીગાર્ડ રહેલો શેરા (ગુરમીત સિંઘ જોલી)નો પુત્ર ફિલ્મ ‘ટાર્ઝન’ સાથે તેનો લાંબા સમયથી રાહ જોવાતો બોલીવૂડ ડેબ્યુ કરી રહ્યો છે, જેમાં સંભવિતપણે સૂરજ પંચોલી પણ સામેલ થઈ શકે છે.અબિરના લોન્ચની ચર્ચા છેક ૨૦૨૨થી થઈ રહી હતી જ્યારે અહેવાલો મુજબ સલમાન તેના ડેબ્યુ પ્રોજેક્ટમાં અંગત રસ લઈ રહ્યો હતો.

જો કે આ બાબત વિશે કોઈપણ સત્તાવાર જાહેરાત નહોતી કરાઈ.અગાઉના પ્રોજેક્ટનું દિગ્દર્શન અગ્રણી ફિલ્મસર્જક સતિષ કૌશિક કરવાના હતા અને તેનું શૂટિંગ ૨૦૨૩માં શરૂ થવાની તૈયારી ચાલી હતી. જો કે આ યોજના સાકાર ન થઈ શકી અને કૌશિકનું માર્ચ ૨૦૨૩માં નિધન થયું. છેલ્લા અહેવાલો મુજબ અબિરની બોલીવૂડ મહત્વાકાંક્ષાઓ ફરી સજીવન થઈ છે, જો કે ટાર્ઝનના દિગ્દર્શન, નિર્માણ તેમજ અન્ય કાસ્ટ વિશેની વિગતો જાહેર નથી કરાઈ.સૂરજ પંચોલીના કાસ્ટિંગની અટકળોથી પ્રોજેક્ટ સાથે સલમાનનો સહયોગ પણ ચર્ચામાં છે.સલમાને અગાઉ સૂરજ અને અથિયા શેટ્ટીને લોન્ચ કરતી હીરોનું નિર્માણ કર્યું હતું. વર્ષો દરમ્યાન તેણે સોનાક્ષી સિંહા, ઝરીન ખાન, ડેઝી શાહ અને સાઈ માંજરેકર સહિત અનેક નવોદિતોને સમર્થન આપ્યું છે. હાલ તો તેના અબિરના ડેબ્યુને સમર્થન આપવા વિશે સ્પષ્ટતા નથી થઈ. દરમ્યાન સલમાન માતૃભૂમિ અને એસવીસી૬૩ની રિલીઝની તૈયારી કરી રહ્યો છે.