(મહેશ રાવલ દ્વારા)
Surendranagar તા.૨૬ઃ
લખતરના લક્ષ્મીપરામાં રહેતા ૩૦ વર્ષીય ભીમાભાઈ જીણાભાઈ ડોંડા પશુપાલન કરે છે. ૮ માસ પહેલા તેમના મિત્ર અન્ય ભાલાળાના ગેલાભાઈ રણુભાઈ મીરે સોલાર કંપનીમાં ટ્રેકટર ભાડે મુકયાની વાત કરી હતી. જેમાં અરજણભાઈ સહિતનાઓ ટ્રેકટર ભાડે રાખી સોલાર કંપનીમાં મુકતા હોવાનું કહ્યુ હતુ. અને ભાડાના દર માસે ૨૫ હજાર ચુકવતા હતા. તે સમયે ભીમાભાઈ પાસે ટ્રેક્ટર ન હતુ. પરંતુ ભાડાની સારી આવક થતી હોય તેઓએ બાદમાં ટ્રેકટર ખરીઘુ હતુ. અને મુળીના શેખપર ગામે મીટીંગ રાખી હતી. જેમાં મુળીના દેવપરાનો અર્જુન ઉર્ફે અરજણભાઈ કરમણભાઈ જોગરાણા, થાનના વીજળીયાનો ચતુર કાળાભાઈ સારદીયા, થાનના મનડાસરનો કીરણ ડાભી, મોરબી જિલ્લાના વાંકાનેર તાલુકાના લુણસરનો અજીમ ગનીભાઈ મળી આ રીતે વાહનો લઈ સોલાર કંપનીમાં ભાડે રાખતા હોવાની વાત થઈ હતી. અને વાહનોમાં ડ્રાઈવરો પણ તેમના અને ડીઝલ પણ તેઓ પુરાવશે તેમ કહ્યુ હતુ. આ વાહનો મુકયા બાદ એક વખત ચતુર સારદીયાએ રૂપીયા ૨૫ હજાર ભાડુ ભીમાભાઈના સાળા સાહેદ ગભુભાઈને આપ્યા હતા. બાદમાં ભાડુ ન મળતા તપાસ કરતા આ વાહનો ટોળકીએ અન્ય સ્થળે ગીરવે સામે આવ્યુ હતુ. આથી અરજણભાઈના ઘરે જઈ તેમની પુછપરછ કરતા સોલાર કંપનીમાં વાહનો ચાલતા ન હોઈ અન્ય સ્થળે મુકયાનું જણાવતા ભોગ બનનાર સહિત સાહેદોએ ચાલો વાહનો બતાવો તેમ કહેતા સમગ્ર મામલો સામે આવ્યો હતો. આ અંગે મુળી પોલીસ મથકે ચારેય આરોપીઓ સામે ભાડાની લાલચ આપી, વાહનો લઈ અન્ય સ્થળે ગીરવે મુકી કુલ રૂપીયા ૩,૪૯,૯૦,૦૦૦ની છેતરપિંડી આચર્યાની ફરિયાદ નોંધાઈ છે. બનાવની વધુ તપાસ પીઆઈ ડી.આર.બારૈયા ચલાવી રહ્યા છે.
છેતરપિંડીનો ભોગ બનનાર લોકોની યાદીઃ
બચુભાઈ પુંજાભાઈ ભરવાડ, રસુલપુરા, તા. ગળતેશ્વર, જિ. ખેડા,ઝીણાભાઈ જેસીંગભાઈ વઘાડીયા, ભાલાળા, તા. લખતર, જિ. સુરેન્દ્રનગર,વનાભાઈ જોગાભાઈ ભરવાડ, રસુલપુરા, તા. ગળતેશ્વર, જિ. ખેડા,શૈલેષકુમાર ગોરધનભાઈ ભરવાડ, રસુલપુરા, તા. ગળતેશ્વર, જિ. ખેડા,રમેશભાઈ માવજીભાઈ જખવાડીયા, લખતર, જિ. સુરેન્દ્રનગર ભરતભાઈ સીંધાભાઈ ડોડા, લખતર, જિ. સુરેન્દ્રનગર,દેવાભાઈ બીજલભાઈ અલગોતર, વિઠ્ઠલાપરા, તા. લખતર, જિ. સુરેન્દ્રનગર,રઘુભાઈ મેઘાભાઈ અલગોતર, શીયાણી, તા. લીંબડી, જિ. સુરેન્દ્રનગર,મહેન્દ્રભાઈ મેઘાભાઈ અલગોતર, શીયાણી, તા. લીંબડી, જિ. સુરેન્દ્રનગર,સામતભાઈ મેલાભાઈ સભાડ, ડેરવાળા, તા. લખતર, જિ. સુરેન્દ્રનગર વેરશીભાઈ મેલાભાઈ સભાડ, ડેરવાળા, તા. લખતર, જિ. સુરેન્દ્રનગર વિક્રમભાઈ ભુરાભાઈ ભરવાડ, સેવાલીયા, તા. ગળતેશ્વર, જિ. ખેડા અજયભાઈ મફાભાઈ સેફાત્રા, અંકેવાળીયા, તા. લીંબડી, જિ. સુરેન્દ્રનગર મફાભાઈ રાયભણભાઈ સીંધવ, દેવળીયા, તા. લખતર, જિ. સુરેન્દ્રનગર,હરેશભાઈ મફાભાઈ ભરવાડ, લખતર, જિ. સુરેન્દ્રનગર,રમેશભાઈ જેરામભાઈ ડોડા, લખતર, જિ. સુરેન્દ્રનગર,ગેલાભાઈ રણુભાઈ મીર, ભાલાળા, તા. લખતર, જિ. સુરેન્દ્રનગર,રયજીભાઈ મંગલભાઈ સોલંકી, ખેડાસા, તા. બોરસદ, જિ. આણંદ નવઘણભાઈ કાળુભાઈ ધરજીયા, બાલાસિનોર, જિ. મહીસાગર,રાધાબેન રોહીતભાઈ ઓળકીયા, ડેરવાળા, તા. લખતર, જિ. સુરેન્દ્રનગર,વનાભાઈ કબુભાઈ સીંધવ, જામડી, તા. લીંબડી જિ. સુરેન્દ્રનગર,મેલાભાઈ વિઠ્ઠલભાઈ ભરવાડ, ભાટેરા, તા. કઠલાલ, જિ. ખેડા,રાજુભાઈ રણુભાઈ મીર, ભાલાળા, તા. લખતર, જિ. સુરેન્દ્રનગર,ભલાભાઈ રઘુભાઈ ભરવાડ, રાહતલાવ, જિ. આણંદ,નાગજીભાઈ રઘુભાઈ ભરવાડ, રાહતલાવ, જિ. આણંદ.
