Munsyari, તા.20
પિંડારી અને બાસ્પા ખીણને જોડનારી બેહદ દુર્ગમ ટ્રેલ પાસને જીતવા નીકળેલા 18 પર્વતારોહીઓના દળ માટે 8 જુનની તારીખ કોઇ દુઃસ્વપ્ન જેવી રહી બેઝ કેમ્પની સામે આ દળ ભયાનક એવલાંચ (હિમસ્ખલન)ની ઝપટમાં આવતા માંડ-માંડ બચ્યું હતું. મોતને ખૂબ જ નજીકથી જોઇને પરત ફરેલા આ દળના સભ્યો આખરે 11 જુને સુરક્ષિત મુનસ્યારી પહોંચ્યા હતા.
રૂંવાડા ઉભા કરી દેતી આ આપવીતિનો વીડિયો પર્વતારોહીઓએ શેર કર્યો છે. દળના લીડર દિનેશ દાનુએ જણાવ્યું હતું કે લગભગ 87 કિ.મી. લાંબો તેમનું ટ્રેલ પાસ અભિયાન 30 મેએ બાગેશ્વર જિલ્લાના ખાતીથી દ્ધાલી માટે શરૂ થયું હતું. 7 જુન દળ કેમ્પ-2 એટલે કે નંદા ખાટ અને પિંડારી ગ્લેશિયરની વચ્ચોવચ્ચ મોજુદ હતા.
દળમાં પાંચ લોકો ટ્રેલ પાસની નીચે દોરડુ બાંધીને નીકળ્યા હતા. જ્યારે દોરડું બાંધીને ટીમ પરત ફરી રહી હતી ત્યારે તેમને બરફનો એક ખૂબ જ મોટો સ્લેબ કપાયેલો જોવા મળ્યો, ખતરો સ્પષ્ટ નજરે પડતો હતો, એટલે કોઇપણ અણ બનાવથી બચવા માટે ટીમે આગામી દિવસ 8 જુનની સવારે ઠીક 6 વાગ્યે જ આગળની સફર માટે કૂચ કરી હતી. જેવી ટીમ નીચેની તરફ ઉતરી રહી હતી.
ત્યારે અચાનક એક એવલાંચ આવી ગયું. ગ્લેશિયરની નીચેના ભાગેથી અચાનક જોરદાર ચીસો ગુંજવા લાગી-ભાગો…ભાગો… ઉપરથી અવલાંચ આવી રહ્યું છે. દાનુ બતાવે છે કે આ અફડાતફડી દરમિયાન ટીમની મહિલા સભ્ય સુચિત્રાનો પગ અચાનક ફસડાઇ ગયો અને તે ઝડપથી ખાઇ તરફ સરકવા લાગી.
સૂચિત્રાને નીચે પડતી જોઇને દાનુએ પોતાના અનુભવનો પરિચય કરાવી પોતા ડાબા પગના સહારે સૂચિત્રાને મજબૂતીથી રોકી અને ત્યાં જ પકડી લીધી. ઠીક, એ જ સમયે તેમના જમણા પગની બિલકુલ પાસથી પૂરો એવલાંચ ઝડપથી નીચેની તરફ વહી રહ્યો હતો. બાદમાં ટીમ મર્તોલી ગામ થઇને મુનશ્યારી પહોંચી હતી. અહીં પહોંચીને ટીમના સભ્યોએ રાહતનો શ્વાસ લીધો હતો.
