Mumbai,તા.30
ઓગષ્ટનો મહિનો મૂવી લવર્સ માટે ખૂબ જ ખાસ થવાનો છે. ઓગસ્ટમાં તમને એન્ટરટેઈનમેન્ટનો ભરપૂર ડોઝ મળશે. આ મહિનામાં પણ થિયેટરમાં એકથી એક ચડિયાતી ફિલ્મો રિલીઝ થવાની છે.
જુલાઈની જેમ જ તમે આ મહિનામાં પણ મનોરંજનની મજા મળશે. આ મહિને એક-બે નહીં પરંતુ 12 ધમાકેદાર ફિલ્મો થિયેટરમાં ધૂમ મચાવશે. તેમાં તમને એક્શનથી લઈને ક્રાઈમ, થ્રિલર અને રોમાન્સનો ફુલ ડોઝ મળવાનો છે. તો ચાલો જોઈએ આખી લિસ્ટ…
પ્રહાર – ધ ઉજ્જવલ નિકમ સ્ટોરી : 7 ઓગસ્ટ 2026
ઓગસ્ટની શરૂઆત રાજકુમાર રાવની ફિલ્મ ‘પ્રહાર – ધ ઉજ્જવલ નિકમ સ્ટોરી’થી થવાની છે. આ ફિલ્મને લઈને રાજકુમાર ઘણાં ચર્ચામાં છે. આ એક ભારતીય કોર્ટરૂમ ડ્રામા અને બાયોગ્રાફિકલ ફિલ્મ છે.
આ ફિલ્મનું નિર્દેશન વિનાયક અણ ધવરેએ કર્યું છે. પ્રહારમાં રાજકુમારે પબ્લિક પ્રોસિક્યુટર (સરકારી વકીલ) ઉજ્જવલ નિકમનું પાત્ર ભજવ્યું છે. આ મૂવી 7 ઓગસ્ટ 2026ના રોજ થિયેટરમાં રિલીઝ થવાની છે.
DC: 7 ઓગસ્ટ 2026
`DC’ એક તમિલ રોમેન્ટિક એક્શન-થ્રિલર ફિલ્મ છે. આ મૂવીને પ્રખ્યાત ડાયરેક્ટર અરૂણ મથેશ્વરને ડાયરેક્ટ કરી છે. ફિલ્મમાં લોકેશ કનગરાજ મુખ્ય ભૂમિકામાં જોવા મળશે. ફિલ્મમાં લોકેશ કનગરાજ દેવદાસના રૂપમાં અને વામિકા ગબ્બી ચંદ્રાના રૂપમાં જોવા મળશે. આ ફિલ્મ 7 ઓગસ્ટે સિનેમાઘરોમાં રિલીઝ માટે તૈયાર છે.
G.D.N: 7 ઓગસ્ટ 2026
આર. માધવનની આગામી બાયોપિક ફિલ્મ ‘G.D.N’ મહાન ભારતીય શોધક અને ઉદ્યોગપતિ ગોપાલસ્વામી દોરૈસામી નાયડૂ (G.D. નાયડૂ)ના જીવન પર આધારિત છે, જેમને ‘ભારતનાં એડિસન’ કહેવામાં આવે છે.
આ ફિલ્મ હવે 7 ઓગસ્ટ 2026ના રોજ સિનેમાઘરોમાં રિલીઝ થશે. તેને હિન્દી, તમિલ, તેલુગુ, મલયાલમ અને કન્નડ ભાષામાં રિલીઝ કરવામાં આવશે. મૂવીનું નિર્દેશન કૃષ્ણ કુમાર રામકુમારે કર્યું છે. આર. માધવનની સાથે મૂવીમાં પ્રિયામણી, સત્યરાજ અને જયરામ મહત્વની ભૂમિકામાં છે.
બટવારા 1947ઃ 14 ઓગસ્ટ 2026
સની દેઓલ ફરી એકવાર ધમાલ મચાવવા માટે તૈયાર છે. સની ફિલ્મ ‘બટવારા 1947′ 14 ઓગસ્ટ 2026ના રોજ સ્વતંત્રતા દિવસનાં અવસરે રિલીઝ થવાની છે. આ જ દિવસે બીજી એક મોટી ફિલ્મ રિલીઝ થવાની છે. સનીનો સામનો આ જ દિવસે ઈમરાન હાશ્મીની `આવારાપન 2’ સાથે થવાનો છે.
‘બટવારા 1947’ આમિર ખાનના પ્રોડક્શનની ફિલ્મ છે, જે એક દેશભક્તિ મૂવી છે. આ ફિલ્મમાં સની દેઓલ, પ્રીતિ ઝિંટા, શબાના આઝમી, કરણ દેઓલ અને અલી ફઝલ મહત્વની ભૂમિકામાં જોવા મળશે. આ ફિલ્મનું નિર્દેશન રાજકુમાર સંતોષીએ કર્યું છે.
આવારાપન 2ઃ 14 ઓગસ્ટ 2026
ઈમરાન હાશ્મીની ‘આવારાપન 2’ એક્શન-રોમેન્ટિક ડ્રામા ફિલ્મ છે. મૂવીમાં ઈમરાનની સાથે દિશા પટણી અને શબાના આઝમી મુખ્ય ભૂમિકામાં છે. આ ફિલ્મ 14 ઓગસ્ટ, 2026ના રોજ રિલીઝ થશે.
વિશ્વનાથ એન્ડ સન્સઃ 14 ઓગસ્ટ 2026
`વિશ્વનાથ એન્ડ સન્સ’ અભિનેતા સૂર્યાની એક આગામી પારિવારિક અને રોમેન્ટિક ડ્રામા ફિલ્મ છે, જે 14 ઓગસ્ટ 2026ના રોજ સિનેમાઘરોમાં રિલીઝ થવા માટે સંપૂર્ણ તૈયાર છે. આ ફિલ્મનું નિર્દેશન વેંકી અટુલુરીએ કર્યું છે. મૂવીમાં સૂર્યાની સાથે મામિતા બૈજુ, રાધિકા સરથકુમાર અને રવિના ટંડન મહત્વના કિરદારમાં છે.
ટોક્સિકઃ 26 ઓગસ્ટ 2026
26 ઓગસ્ટે કન્નડ સુપરસ્ટાર યશની ફિલ્મ ‘ટોક્સિક’ રિલીઝ થવા જઈ રહી છે. તેને ગીતુ મોહનદાસે ડાયરેક્ટ કરી છે. મૂવીમાં યશની સાથે કિયારા આડવાણી, તારા સુતારિયા, નયનતારા, રૂક્મિણી વસંત, હુમા કુરેશી પણ જોવા મળશે. આ ફિલ્મને લઈને ફેન્સ ઘણા ઉત્સાહિત છે.
ઈઠા : 28 ઓગસ્ટ 2026
શ્રદ્ધા કપૂરની મોસ્ટ અવેટેડ ફિલ્મ ઈઠા 28 ઓગસ્ટ 2026ના રોજ રિલીઝ થવાની છે. આ ફિલ્મ મહારાષ્ટ્રની પ્રસિદ્ધ તમાશા અને લાવણી કલાકાર વિઠાબાઈ નારાયણગાંવકરના જીવન સંઘર્ષ પર આધારિત છે. આ મૂવીમાં શ્રદ્ધા કપૂરની સાથે રણદીપ હુડ્ડા મુખ્ય ભૂમિકામાં છે. તેનું નિર્દેશન લક્ષ્મણ ઉતેકરે કર્યું છે.
ખોસલા કા ઘોસલા 2ઃ 28 ઓગસ્ટ 2026
`ખોસલા કા ઘોસલા 2′ બહુપ્રતીક્ષિત કોમેડી ફિલ્મ 28 ઓગસ્ટ 2026ના રોજ સિનેમાઘરોમાં રિલીઝ થશે. આ ફિલ્મમાં અનુપમ ખેર, બોમન ઈરાની, પ્રવીણ દબાસ, રણવીર શૌરી, તારા શર્મા, રવિ કિશન અને દિવ્યા ખોસલા જોવા મળશે. તેના નિર્દેશક પ્રશાંત ભાગિયા છે.
