New Delhi, તા.1
દેશના ચીફ ઓફ ડિફેન્સ (સીડીએસ)નું પદ સંભાળ્યા બાદ General NS Rajasubramaniam એ જણાવ્યું હતું કે અમે આપણા દેશની સંપ્રભુતા અને ક્ષત્રિય અખંડતાની રક્ષા માટે પ્રતિબધ્ધ છીએ અને સેનાના આધુનિકીકરણ પર સૌથી પહેલું ફોક્સ રહેશે.
તેમણે કહ્યું હતું કે અમે વડાપ્રધાનના જેએઆઇ વિઝન, જોઇન્ટનેસ (ત્રણેય સેનાઓ વચ્ચે બહેતર તાલમેલ) આત્મ નિર્ભરતા અને ઇનોવેશનને આગળ વધારવા માટે પ્રતિબધ્ધ છીએ આત્મ નિર્ભરતા આપણી રાષ્ટ્રીય સુરક્ષાનો એક મહત્વપૂર્ણ આધાર છે.
અમે દેશમાં બનેલ હથિયારો અને રક્ષા પ્રણાલીઓના વિકાસ તેની ખરીદી અને તેને સેનામાં સામેલ કરવાની પ્રક્રિયાને વધુ તેજ બનાવશું. તેમણે જણાવ્યું હતું કે નવી વિચારધારા અને નવી ટેકનિકથી કામ કરવું અમારી સૈન્ય ક્ષમતાઓને મજબૂત બનાવવાનો આધાર બનશે. ઉલ્લેખનીય છે કે સુબ્રમણિને પાકિસ્તાન અને ચીન સાથે સંકળાયેલ રણનીતિક મામલાના જાણકાર માનવામાં આવે છે.
નવા સીડીએસ સામે સૌથી મોટો પડકાર ઇન્ટીગ્રેટેડ થિયેટર કમાન્ડને જમીન પર ઉતારવાનો રહેશે. આ યોજના લાંબા સમયથી ચાલી રહી છે હવે તેની બ્લુ પ્રિન્ટ તૈયાર કરવાનું કામ રક્ષા મંત્રાલયને સોંપવામાં આવ્યું છે. પરંતુ તે જમીન પર કેવી રીતે લાગુ થશે, શું કમાન્ડ સ્ટ્રક્ચર હશે તે હજુ પણ જટિલ સવાલ છે.
હાલ ભારતીય સશસ્ત્ર દળોમાં કુલ 17 સિંગલ સર્વિસ કમાન્ડ છે. થિયેટર કમાન્ડ બનાવ્યા બાદ પણ ત્રણ સેનાઓની કાર્ય સંસ્કૃતિ, તાલીમ, લોજીસ્ટીક્સ અને ખરીદ પ્રક્રિયાઓમાં તાલમેલ સ્થાપિત કરવો પણ એક મહત્વનું ટાસ્ક રહેશે.
