Vadodara ,તા.23
અછતના સમયમાં પાણી પુરવઠા વિતરણ શાખામાં પાણી વિતરણ કરવા રૂ.90 લાખની મર્યાદામાં ભાડેથી ટેન્ડર મેળવવા વાર્ષિક ઈજારાની કામગીરી સ્થાયી સમિતિના ઠરાવથી મંજુર થયેલ ભાવે અને શરતો મુજબ વધુ રૂ.20 લાખની નાણાંકીય મર્યાદા વધારી કુલ રૂ.1.10 કરોડની નાણાંકીય મર્યાદા કરવા સ્થાયી સમિતિમાં દરખાસ્ત રજૂ કરવામાં આવી છે જેથી વિવાદ સર્જાયો છે.
પાલિકાની પાણીની લાઈનમાં કોન્ટામિનેશન, પાણીના લો-પ્રેસર, પાણીની લાઈનના બ્રેક-ડાઉન, પાણીની લાઈન પ૨ના વાલ્વ બગડવા, પાણીના લો પ્રેશર, જેવા સ્થળોએ કામગીરી દરમિયાન જે તે વિસ્તારમાં પાણી બંધ રહે અથવા પાણી ઓછુ મળે તે સ્થળોએ ટેન્કર મારફત જાહેરમાં પાણીનું વિતરણ ક૨વામાં આવતું હોય છે. ઉપરાંત વિવિધ આવાસ યોજનાઓ, વસાહતો જેવા સ્થળોએ સ્થાનિક નાગરિકોને જાહેરમાં ટેન્કરથી પાણી પહોંચાડવા માટેની જરૂરીયાત ઉભી થાય છે. આવા સ્થળોએ પાણીની ટેન્કર મોકલવા માટે ધારાસભ્યો, કાઉન્સિલરો, હોદ્દેદારો, ઉચ્ચ અધિકારીઓ, વોર્ડ શાખા, સ્થાનિક નાગરિકો તરફથી રજૂઆતો થાય છે. હાલમાં શહે૨ની હદમાં પણ વધારો થયેલ છે. જેથી દૂરનાં વિસ્તારોમાં જ્યાં પાણી નેટવર્ક નથી ત્યાં પણ ટેન્કરો મોકલવામાં આવે છે તથા દૂરની નવીન સમાવિષ્ટ વસાહતોમાં પણ ટેન્કરો દ્વારા પાણી વિતરણ ક૨વામાં આવે છે. આ માટે પાણી પુરવઠા વિતરણ શાખાના ચારે ઝોન ખાતે પ્રથમ તથા બીજી પાળીમાં ડ્રાઇવર, કંડકટર, ૨સ્પે૨ ડ્રાઇવર સહ ભાડેથી મેળવવી યોગ્ય જણાય છે. ચારેય ઝોનમાં ફાયર બ્રીગેડના વાહનો દ્વારા લો-પ્રેશર તથા ગંદા પાણીની કામગીરી માટે પાણીની ટેન્કરો પૂરી પાડવામાં આવે છે જે પૂરતા નથી. તેમજ ફાયરબ્રીગેડના રીપેરીંગ/મેન્ટેનન્સની કામગીરીના સમયે પણ વધારાની જરૂરીયાત પૂરી ક૨વા બહારથી પ્રાઇવેટ વાહનો ભાડેથી લેવાની જરૂરીયાત રહે છે. વાહનોની ઘટને પહોંચી વળવા પાલિકાની પાણી પુરવઠા વિતરણ શાખા દ્વારા કામગીરી કરવા અર્થે વાર્ષિક ઇજારો કરવામાં આવે છે.
હાલમાં સ્થાયી સમિતિ ઠરાવથી મંજૂર થયેલ ભાવે અને શરતો મુજબ લોએસ્ટ ઇજારદા૨ મે.રાજેશ સચદેવને વર્ક ઓર્ડર આપવામાં આવેલ છે. જેની સમય મર્યાદા તા:19,11,2024 સુધીની છે. મંજૂર થયેલ ૨કમ રૂ.90 લાખ પૈકી 20.06.24 સુધી 67 લાખ (75% રકમ)ની કામગીરી કરેલ છે. રૂ.23 લાખ જેટલી રકમ સિલક ૨હે છે. જે તા:08.08.2024 સુધી ચાલે તેમ હોઈ નવીન વાર્ષિક ઈજારો કરવાની કાર્યવાહી હાથ ધ૨વામાં આવેલ છે.
કામની રૂ.23 લાખની નાણાંકીય મર્યાદામાં કામગીરી પૂર્ણ થયા બાદ ટેન્કરો માટેનો ઇજારો પૂર્ણ થવાથી લો-પ્રેશર, ગંદા પાણી તથા અન્ય પા.પુ. શાખાની પાણી વિતરણની આવશ્યક અને અગત્યની કામગીરીઓમાં વિક્ષેપ પડે તેમ છે, જેથી નવીન વાર્ષિક ઈજારો ક૨વાના કામગીરી મંજૂર થાય ત્યા સુધી પાણી પુરવઠા વિતરણ શાખામાં અછતના સમયમાં ટેન્કર દ્વારા પાણી વિતરણ ક૨વાના કામ માટે સ્થાયી સમિતી ઠરાવથી મંજુર થયેલ ભાવે અને શરતો મુજબ વધુ રૂ.20 લાખની નાણાંકીય મર્યાદા વધારવા દરખાસ્ત રજૂ કરવામાં આવી છે.
