New Delhi,તા.27
ભારતના પૂર્વ વડાપ્રધાન મનમોહન સિંહનું 26 ડિસેમ્બરની રાત્રે 92 વર્ષની વયે અવસાન થયું હતું. તેમની દિલ્હીની હોસ્પિટલમાં સારવાર ચાલી રહી હતી. જ્યાં તેમણે અંતિમ શ્વાસ લીધા હતા. મનમોહન સિંહ 2004 થી 2014 સુધી દેશના વડાપ્રધાન હતા. તેમના નિધન બાદ સમગ્ર દેશમાં શોકની લહેર છવાઈ ગઈ છે.
પૂર્વ પીએમના નિધન પર રાજકારણ, ફિલ્મ ઉદ્યોગ અને રમતગમતની હસ્તીઓએ શોક વ્યક્ત કર્યો છે. ભૂતપૂર્વ વડા પ્રધાનને શ્રદ્ધાંજલિ આપવા માટે, ટીમ ઈન્ડિયાના ખેલાડીઓ મેલબોર્ન ટેસ્ટમાં હાથ પર કાળી પટ્ટી પહેરીને પ્રવેશ્યા છે.
પૂર્વ ભારતીય સ્પિન બોલર હરભજન સિંહે સોશિયલ મીડિયા દ્વારા પૂર્વ પીએમ મનમોહન સિંહના નિધન પર શોક વ્યક્ત કર્યો છે. તેમણે ડ પર લખ્યું કે તેઓ પૂર્વ વડાપ્રધાન મનમોહન સિંહના આકસ્મિક નિધનથી દુ:ખી છે.
ખૂબ જ સજ્જન વ્યક્તિ હોવા ઉપરાંત તેઓ એક દૂરંદેશી નેતા પણ હતા. હરભજને વધુમાં કહ્યું કે તે આ મુશ્કેલ સમયમાં પૂર્વ પીએમના પરિવાર, મિત્રો અને સંબંધીઓ માટે શ્રદ્ધાંજલિ પાઠવે છે.
પૂર્વ ભારતીય ઓપનર બેટ્સમેન વીરેન્દ્ર સેહવાગે પૂર્વ પીએમના નિધન પર કહ્યું, આપણા પૂર્વ વડાપ્રધાન ડો. મનમોહન સિંહ જીના નિધન પર મારી હૃદયપૂર્વક શ્રદ્ધાંજલિ. ઓમ શાંતિ યુવરાજ અને લક્ષ્મણએ સંવેદના વ્યક્ત કરવામાં આવી હતી : પૂર્વ ભારતીય ક્રિકેટર વી.વી.એસ લક્ષ્મણે વડાપ્રધાનના નિધન પર કહ્યું કે ભગવાન પૂર્વ પીએમના પરિવાર અને તેમના સંબંધીઓને આ દુ:ખનો સામનો કરવાની શક્તિ આપે.
પૂર્વ ભારતીય ઓલરાઉન્ડર યુવરાજ સિંહે ડ પર લખ્યું કે પૂર્વ પીએમ મનમોહન સિંહના નિધનના દુ:ખદ સમાચાર. એક સ્વપ્નદ્રષ્ટા નેતા અને સાચા રાજકારણી જેમણે ભારતના વિકાસ માટે અથાક કામ કર્યું. તેમની શાણપણ અને નમ્રતા હંમેશા યાદ રહેશે. તેમના પ્રિયજનો પ્રત્યે મારી હૃદયપૂર્વકની સંવેદના.
