Mumbai,તા.22
આઈપીએલની હરાજીમાં દર વર્ષે એક ખેલાડી પર સૌથી મોટી બોલી લાગે છે, જેને `ગેમ ચેન્જર’ માનવામાં આવે છે. પરંતુ આંકડા કંઈક અલગ જ વાસ્તવિકતા દર્શાવે છે. 2008 થી અત્યાર સુધીમાં માત્ર 4 જ ખેલાડીઓ તેમની કિંમત મુજબ પ્રદર્શન કરી શક્યા છે.
મોટાભાગનાં સીઝનમાં પ્રદર્શન કાં તો સરેરાશ રહ્યું છે અથવા સંપૂર્ણપણે નિરાશાજનક. 2026માં કેમેરોન ગ્રીનની નબળી શરૂઆત આ જ ટ્રેન્ડને આગળ વધારતી દેખાય છે.
2008 : મહેન્દ્ર સિંહ ધોની (ચેન્નાઈ)
કિંમત : રૂ. 9.5 કરોડ. તેમણે 414 રન બનાવ્યા, 41.40ની સરેરાશ રહી. પરિણામ : સફળ – બેટિંગ અને નેતૃત્વ બંનેમાં તેમનો પ્રભાવ જોવા મળ્યો.
2009 : કેવિન પીટરસન (બેંગલુરૂ)
કિંમત : રૂ. 9.8 કરોડ, 93 રન, 15.50ની સરેરાશ. એન્ડ્રુ ફ્લિન્ટોફ (ચેન્નાઈ) : કિંમત : રૂ. 9.8 કરોડ, 62 રન, 2 વિકેટ. પરિણામ : નિષ્ફળ – ઈજા અને મર્યાદિત ઉપલબ્ધતાને કારણે અસર છોડી શક્યાં નહીં.
2010 : શેન બોન્ડ (કોલકાતા)
કિંમત : રૂ. 4.8 કરોડ, 9 વિકેટ, 24.88ની સરેરાશ. કીરોન પોલાર્ડ (મુંબઈ) : કિંમત : રૂ. 4.8 કરોડ, 273 રન, 15 વિકેટ. પરિણામ : સફળ – ખાસ કરીને પોલાર્ડે ટીમને મેચો જીતાડી હતી.
2011 : ગૌતમ ગંભીર (કોલકાતા)
કિંમત : રૂ. 14.9 કરોડ, 378 રન, 34.36ની સરેરાશ. પરિણામ : સામાન્ય : નેતૃત્વ સારું રહ્યું, બેટિંગ ઠીક-ઠાક રહી.
2012 : રવીન્દ્ર જાડેજા (ચેન્નાઈ) : કિંમત : રૂ. 12.8 કરોડ, 191 રન, 12 વિકેટ. પરિણામ : સામાન્ય : યોગદાન સંતુલિત હતું પણ દબદબો જોવા મળ્યો નહીં.
2013 : ગ્લેન મેક્સવેલ (મુંબઈ) : કિંમત : રૂ. 6.3 કરોડ, 36 રન. પરિણામ : નિષ્ફળ – તક ઓછી મળી અને ખાસ અસર જોવા મળી નહીં.
2014 : યુવરાજ સિંહ (બેંગલુરૂ) : કિંમત : રૂ. 14 કરોડ, 376 રન, 5 વિકેટ. પરિણામ : સફળ – વ્યક્તિગત પ્રદર્શન મજબૂત રહ્યું.
2015 – યુવરાજ સિંહ (દિલ્હી) : કિંમત : રૂ. 16 કરોડ, 248 રન, 19.07ની સરેરાશ. પરિણામ : નિષ્ફળ : પ્રદર્શનમાં સાતત્યનો અભાવ રહ્યો.
2016 – શેન વોટસન (બેંગલુરૂ) : કિંમત : રૂ. 9.5 કરોડ, 179 રન, 20 વિકેટ. પરિણામ : સામાન્ય બોલિંગમાં પ્રભાવ રહ્યો પણ મોટી મેચોમાં ફ્લોપ રહ્યા.
2017 : બેન સ્ટોક્સ (પુણે) : કિંમત : રૂ. 14.5 કરોડ, 316 રન, 12 વિકેટ. પરિણામ : સફળ : સીઝનના સૌથી પ્રભાવશાળી ખેલાડી સાબિત થયા.
2018 : બેન સ્ટોક્સ (રાજસ્થાન) : કિંમત : રૂ. 12.5 કરોડ, 196 રન, 8 વિકેટ. પરિણામ : નિષ્ફળ : અગાઉનાં વર્ષ જેવો પ્રભાવ પાડી શક્યાં નહીં.
2019 : જયદેવ ઉનડકટ (રાજસ્થાન) : કિંમત : રૂ. 8.4 કરોડ, 10 વિકેટ, 10.66ની ઈકોનોમી. વણ ચક્રવર્તી (પંજાબ) : રૂ. 8.4 કરોડ, 1 વિકેટ. પરિણામ : નિષ્ફળ : બંનેનું પ્રદર્શન અત્યંત નબળું રહ્યું.
2020 : પેટ કમિન્સ (કોલકાતા) : કિંમત : રૂ. 15.5 કરોડ, 12 વિકેટ, 146 રન. પરિણામ : સામાન્ય : અમુક જ મેચોમાં જ પોતાનો પ્રભાવ પાડી શક્યાં.
2022 : ઈશાન કિશન (મુંબઈ) : કિંમત : રૂ. 15.25 કરોડ, 418 રન, 120.11નો સ્ટ્રાઈક રેટ. પરિણામ : સામાન્ય : રન બનાવ્યાં પણ બેટિંગ ધીમી રહી.
2023 : સેમ કરન (પંજાબ) : કિંમત : રૂ. 18.5 કરોડ, 276 રન, 10 વિકેટ. પરિણામ : સામાન્ય : ઓલરાઉન્ડ યોગદાન આપ્યું પણ સાતત્યનો અભાવ હતો.
2024 : મિશેલ સ્ટાર્ક (કોલકાતા) : કિંમત : રૂ. 24.75 કરોડ, 17 વિકેટ. પરિણામ : સફળ – પ્લેઓફ અને ફાઈનલમાં મેચ વિનર સાબિત થયા.
2025 – ઋષભ પંત (લખનૌ) : કિંમત : રૂ. 27 કરોડ, 269 રન, 24.45ની સરેરાશ. પરિણામ : નિષ્ફળ – એક ઈનિંગને બાદ કરતાં આખી સીઝન ફિક્કી રહી.
2021 : ક્રિસ મોરિસ (રાજસ્થાન) : કિંમત : રૂ. 16.25 કરોડ, 15 વિકેટ, 9.17ની ઈકોનોમી. પરિણામ : સામાન્ય – થોડી મેચો જીતાડી પણ મોંઘા સાબિત થયા..
2026 – કેમેરોન ગ્રીન (કોલકાતા) : કિંમત : રૂ. 25.20 કરોડ, 135 રન, 1 વિકેટ (અત્યાર સુધી). પરિણામ : નિષ્ફળ – અત્યાર સુધી 6 મેચોમાંથી માત્ર 1 માં જ ચાલ્યાં છે.
