Kolkata,તા.16
કોલકાતા નાઈટ રાઈડર્સ આજે IPL મેચમાં ગુજરાત ટાઇટન્સ સામે ટકરાશે ત્યારે ટોપ-2 માં સ્થાન મેળવવાની આશા જીવંત રાખવાનો પ્રયાસ કરશે. KKR લગભગ એક મહિના પછી પોતાના હોમ ગ્રાઉન્ડ પર પરત ફર્યું છે.
અનુભવી અજિંક્ય રહાણેની કેપ્ટનશીપ હેઠળ, નાઈટ રાઈડર્સે ગયા વર્ષ જેટલું સારું પ્રદર્શન કર્યું નથી, જેના કારણે તેમને ફરીથી કેપ્ટન તરીકે નિયુક્ત કરવાના નિર્ણય પર પ્રશ્નો ઉભા થાય છે.
KKR ને ચાલુ સિઝનમાં પોતાની પહેલી જીત માટે સાતમી મેચ સુધી રાહ જોવી પડી. ટીમે ત્યારબાદ સતત ચાર મેચ જીતી હોવા છતાં, તે તેની છેલ્લી મેચમાં RCB સામે હારી ગઈ.
KKR પાસે હવે ત્રણ મેચ બાકી છે, અને જો તે બધી જીતી જાય છે, તો તે મહત્તમ 15 પોઈન્ટ સુધી પહોંચી જશે. તેમ છતાં, તેનું પ્લેઓફ સ્થાન નિશ્ચિત રહેશે નહીં અને તેને જો અને તો ના સમીકરણોમાથી પસાર થવું પડશે.
