Janhvi Kapoor નાં નખરાંઓથી પેડ્ડી ફિલ્મની ટીમ તંગ

Janhvi Kapoor  પોતાનો રોલ કપાતાં નારાજ હોવાની ચર્ચા
મુંબઈ, તા.૨૧
સાઉથની ફિલ્મ ‘પેડ્ડી’ની ટીમ Janhvi Kapoor નાં નખરાંઓથી નારાજ થઈ ગઈ હોવાનું કહેેવાય છે. ફિલ્મના પ્રમોશન દરમિયાન Janhvi Kapoor ના એટિટયુડથી અન્ય લોકો પરેશાન થઈ રહ્યા છે. આ ફિલ્મમાં જાહ્નવીનો રોલ બહુ કપાઈ ગયો હોવાથી હવે તે પ્રમોશન વખતે નખરાં દેખાડી રહી હોવાનું કહેવાય છે. મુંબઈમાં ટ્રેલર લોન્ચ વખતે Janhvi Kapoor એક કલાક મોડી આવી હતી. પરિણામે રામ ચરણ મીડિયાકર્મીઓના પ્રશ્રોત્તરીથી બચવા કારમાં જ બેસી રહ્યો હતો. પ્રમોશન માટે સમયસર પહોંચેલા અન્ય કલાકારોએ પણ ગુસ્સો વ્યક્ત કર્યો હતો. બોલિવુડ વર્તુળોમાં ચર્ચા અનુસાર ફિલ્મ સાઈન કરતી વખતે Janhvi Kapoorને કહેવાયું હતું કે તેની ફિલ્મમાં બહુ લાંબી અને મહત્વની ભૂમિકા હશે. જોકે, ફિલ્મનો ફાઈનલ કટ જોયા પછી જાહ્નવીને ખ્યાલ આવ્યો હતો કે તેની ભૂમિકા તદ્દન ગૌણ અને એકદમ ટૂંકી છે. તે પછી તેણે પોતે આ ફિલ્મનાં પ્રમોશનમાં ભાગ નહિ લે તેવો નિર્ણય કર્યો હતો. જોકે, નિર્માતાઓએ તેને જણાવ્યું હતું કે કરારના ભાગરુપે તે પ્રમોશનમાં હાજરી આપવા બંધાયેલી છે.