Vadodara તા.૧૩
Vadodaraમાં મિત્રતા, વિરહ અને માનસિક આઘાતની એક હૃદયદ્રાવક ઘટના સામે આવી છે. એક મિત્રના મોતના દુઃખને સહન ન કરી શકનાર બે યુવકોએ ૨૪ કલાકના અંતરે આપઘાત કરી લેતા સમગ્ર વિસ્તાર શોકમગ્ન બની ગયો છે.
મૂળ બિહારનો અને હાલ વડોદરાના માણેજા વિસ્તારમાં રહેતો રવિશંકર રાજેશકુમાર પ્રસાદ મકરપુરા ય્ૈંડ્ઢઝ્રમાં ફાઈટર તરીકે ફરજ બજાવતો હતો. ૧૧ જૂનના રોજ તેને પોતાના વતનમાં રહેતા એક નજીકના મિત્રના આપઘાતના સમાચાર મળ્યા હતા. આ સમાચાર મળતાં જ તે ભારે આઘાતમાં સરી પડ્યો હતો.
પરિવારજનો અને મિત્રોના જણાવ્યા અનુસાર, મિત્રના અવસાન બાદ રવિશંકરે પોતાના સોશિયલ મીડિયા એકાઉન્ટ પર મૃત મિત્રનો ફોટો શેર કરીને ભાવુક સંદેશ લખ્યો હતો. ત્યારબાદ તે માનસિક રીતે ખૂબ વ્યથિત જોવા મળતો હતો.એ જ દિવસે રવિશંકરે મકરપુરા રેલવે સ્ટેશન નજીક ટ્રેન સામે કૂદીને પોતાનું જીવન ટૂંકાવી દીધું હોવાનું પોલીસ તપાસમાં સામે આવ્યું છે. ઘટનાની જાણ થતાં રેલવે પોલીસે મૃતદેહને પોસ્ટમોર્ટમ માટે હોસ્પિટલ ખસેડી વધુ કાર્યવાહી હાથ ધરી હતી.
હજુ પરિવારજનો આ આઘાતમાંથી બહાર આવે તે પહેલાં જ બીજા દિવસે વધુ એક કરૂણ ઘટના બની હતી. રવિશંકર સાથે એક જ રૂમમાં રહેતો અને મૂળ ઉત્તર પ્રદેશનો વિકાસ દિનેશ પ્રસાદ પોતાના મિત્રના અચાનક મૃત્યુને સ્વીકારી શક્યો ન હતો.સ્થાનિક લોકોના જણાવ્યા અનુસાર, બંને મિત્રો લાંબા સમયથી સાથે રહેતા હતા અને રોજિંદા જીવનમાં એકબીજાના ખૂબ નજીક હતા. મિત્રના અવસાન બાદ વિકાસ સતત તણાવમાં રહેતો હતો.
૧૨ જૂનના રોજ વિકાસ પોતાના રૂમમાં મૃત હાલતમાં મળી આવ્યો હતો. પ્રાથમિક તપાસમાં ગળાફાંસો ખાઈને આપઘાત કર્યાનું સામે આવ્યું છે. ઘટનાની જાણ થતાં પોલીસ અને સ્થાનિક લોકો સ્થળ પર દોડી આવ્યા હતા.એક જ રૂમમાં રહેતા અને રોજગાર માટે ઘરથી દૂર આવેલા બે યુવકોના એક પછી એક થયેલા મોતથી માણેજા વિસ્તાર સહિત સમગ્ર વડોદરામાં શોકનો માહોલ છવાઈ ગયો છે. પોલીસે બંને બનાવોમાં અકસ્માતે મોતનો ગુનો નોંધી તપાસ શરૂ કરી છે.
પોલીસ સૂત્રોના જણાવ્યા મુજબ, રવિશંકરના આપઘાત પાછળ મિત્રના મોતનો આઘાત મુખ્ય કારણ હોવાનું પ્રાથમિક રીતે જણાઈ રહ્યું છે. જ્યારે વિકાસના આપઘાત પાછળ માત્ર મિત્રનો વિરહ જવાબદાર હતો કે અન્ય કોઈ કારણ પણ હતું, તે અંગે તપાસ ચાલી રહી છે. બંને યુવકોના પરિવારજનો બિહાર અને ઉત્તર પ્રદેશથી વડોદરા પહોંચ્યા બાદ કાયદાકીય પ્રક્રિયા પૂર્ણ કરીને મૃતદેહોને અંતિમ સંસ્કાર માટે સોંપવામાં આવશે.આ સમગ્ર ઘટનાએ મિત્રતા, માનસિક સ્વાસ્થ્ય અને ભાવનાત્મક આઘાત અંગે અનેક પ્રશ્નો ઉભા કર્યા છે અને સમાજને વિચારતા કરી દીધો છે.
