117માંથી 70 ખેલાડીઓ પ્રથમ વખત ઓલિમ્પિક સ્પર્ધામાં ઉતરશે
શુટીંગની તમામ ઈવેન્ટમાં ભારતીય ખેલાડીઓ સામેલ
Paris, તા.26
ઓલિમ્પિકને લઈને લોકોમાં અનેરો ઉત્સાહ જોવા મળી રહ્યો છે. શુક્રવારે ઉદ્ઘાટન સમારોહ સાથે, 10 હજારથી વધુ એથ્લેટ્સ પેરિસમાં 17 દિવસ સુધી વિજય માટે લડશે. જેમાં ભારતના સૌથી વધુ ખેલાડીઓ પણ ધ્વજ ફરકાવવાનો પ્રયાસ કરશે. ટોક્યોમાં સાત મેડલ જીત્યા હતા. આશા છે કે, આ વખતે મેડલની સંખ્યામાં વધારો થાય અને નવા ચેહરાઓ ચેમ્પિયન બને.
અનન્ય ચંદ્રકો
કુલ 5084 મેડલ વિજેતાઓને આપવા માટે તૈયાર કરવામાં આવ્યા છે. એફિલ ટાવરની 17 ગ્રામ ધાતુનો ઉપયોગ ગોલ્ડ મેડલની મધ્યમાં ષટ્કોણ આકારમાં કરવામાં આવ્યો છે. આ ધાતુ એફિલ ટાવરના ભાગોમાંથી લેવામાં આવી હતી. જે 20મી સદીમાં નવીનીકરણના કામો દરમિયાન દૂર કરવામાં આવી હતી. તમામ મેડલની રિબનમાં એફિલ ટાવરની જાળીની ડિઝાઇન પણ બનાવવામાં આવી છે.
નીરજથી લઈને વિનેશ સુધી…પાંચ સૌથી મોટી આશાઓ
નીરજ ચોપરા (ભાલા ફેંક):
સતત બીજા ગોલ્ડ મેડલનો મોટો દાવેદાર, હરિયાણાનો 26 વર્ષનો ગોલ્ડન બોય ઈતિહાસ રચી શકે છે.
નિખાત ઝરીન (બોક્સિંગ):
બે વખતની વર્લ્ડ ચેમ્પિયન પ્રથમ વખત ઓલિમ્પિકમાં ભાગ લે છે.
ચિરાગ-સાત્વિક (બેડમિન્ટન):
પૂર્વ વર્લ્ડ નંબર 1 જોડી, ડબલ્સમાં પ્રથમ ભારતીય ખિતાબની આશા છે.
મનુ ભાકર (શૂટીંગ):
બે ઈવેન્ટ (10 અને 25 મીટર)માં ભાગ લેનાર એકમાત્ર ભારતીય શૂટર.
વિનેશ ફોગાટ (કુસ્તી):
ત્રણ ઓલિમ્પિકમાં રમનારી એકમાત્ર ભારતીય મહિલા કુસ્તીબાજ.
ભારતનો દાવો
117 ભારતીય ખેલાડીઓ બતાવશે પોતાની તાકાત, 70 પ્રથમ વખત રમશે
70 પુરૂષો અને 47 મહિલાઓ 16 રમતોમાં પડકાર આપશે
મહત્તમ 29 ખેલાડીઓ એથ્લેટિક્સમાં અને 21 શૂટિંગમાં સામેલ
આ પ્રથમ વખત છે
એથ્લેટ્સ પરંપરાગત લાલ રંગને બદલે જાંબલી ટ્રેક પર દોડશે.
ભારતીય એથ્લેટ્સ કરતાં વધુ સપોર્ટ સ્ટાફ (140) પેરિસ મોકલવામાં આવ્યો હતો.
ભારતીય શૂટર્સ પ્રથમ વખત તમામ ઈવેન્ટમાં ભાગ લઈ રહ્યા છે.
પ્રથમ વખત ઓલિમ્પિકમાં પુરૂષ અને મહિલા ખેલાડીઓની સંખ્યા સમાન છે.
ખાસ રમતગમત ગામ
પેરિસના સીન-સેન્ટ-ડેનિસમાં એક સ્પોર્ટ્સ વિલેજ બનાવવામાં આવ્યું છે. નવ હજાર ખેલાડીઓ સહિત 14,500 લોકો અહીં રોકાશે. પેરિસમાં ઐતિહાસિક સીન નદીની બંને બાજુએ 70 ફૂટબોલ મેદાનના કદનું સ્પોર્ટ્સ વિલેજ બનાવવામાં આવ્યું છે. નદી પરનો પુલ બંને ભાગોને જોડે છે. ગેમ્સ પછી તેને છ હજાર લોકો માટે ઘર અને છ હજાર કર્મચારીઓ માટે ઓફિસમાં ફેરવવામાં આવશે.
