Vadodara,તા.01
વડોદરાના તાંદલજા વિસ્તારમાં બસેરા ડુપ્લેક્સમાં રહેતો સોએબ શેખ ડી.એસ.એલ.આર એસ વાલા સયાજ હોટલની પાસે સીટી સેન્ટર ખાતે રિસેપ્શન તરીકે બે વર્ષથી નોકરી કરે છે. તેણે પોલીસ ફરિયાદ નોંધાવી જણાવ્યું છે કે અમારી ઓફિસમાંથી ફિલ્મ તેમજ લગ્ન પ્રસંગમાં વપરાતા અલગ-અલગ કંપનીના કેમેરા ભાડેથી આપવામાં આવે છે.
ગત 15 મી સપ્ટેમ્બરે બપોરે 2:00 વાગે અનુરાગ ગીરીશભાઈ પાંડે (રહેવાસી મન્સૂરી એપાર્ટમેન્ટ, જીપી રોડ, અંધેરી વેસ્ટ મુંબઈ) અમારી ઓફિસે આવ્યો હતો અને અમારી પાસેથી કેમેરો, લેન્સ, મેમરી કાર્ડ, બેટરી, કાર્ડ રીડર, વાયરલેસ રોડ, ચાર્જર મળી કુલ 2.18 લાખની વસ્તુઓ 9000 રૂપિયા ભાડું નક્કી કરીને લઈ ગયો હતો. ભાડું આપવા માટે તેનો આધારકાર્ડ, પાનકાર્ડ તથા બેન્કનો સહી કરેલો ચેક આપી ગયો હતો. અમારે ટ્રેકિંગ માટે આ સામાનની જરૂર છે તેમ કહીને બે દિવસ માટે અનુરાગ પાંડે આ સામાન લઈ ગયો હતો અને પોતે સયાજીગંજ અલંકાર હોટલ ખાતે રોકાયો હોવાનું જણાવ્યું હતું. બીજે દિવસે અનુરાગ પાંડેને ફોન કરતા તેનો ફોન સ્વીચ ઓફ આવતો હોય જેથી અમને શંકા જતા અલંકાર હોટલ આવી તપાસ કરતા અનુરાગ પાંડે બે કલાક પહેલા જ ચેક આઉટ કરીને જતો રહ્યો હોવાનું જાણવા મળ્યું હતું. તેના મુંબઈ ખાતેના એડ્રેસ પર તપાસ કરતા જાણવા કે બે વર્ષ પહેલા જ આ મકાન ખાલી કરી દીધું છે.
