Morbi: દુષ્કર્મના ગુનામાં વિધર્મીએ હાઈકોર્ટમાંથી જામીન અરજી પરત ખેંચવાની ફરજ પડી

રમજાન બ્લોચ  સગીરાને લલચાવી, ફોસલાવી પોતાનું નામ છુપાવી લગ્ન કરવાના ઈરાદે અપહરણ કરી  દુષ્કર્મ આચર્યું

Morbi,તા.01

મોરબીની સગીરાને વિધર્મી યુવકે  ફસાવી અપહરણ કરી દુષ્કર્મ આચરવાના ગુન્હામાં આરોપીને  ગુજરાત હાઈકોર્ટમાંથી  જામીન અરજી પરત લેવાની ફરજ પડી હતી. વધુ વિગત મુજબ ગત તારીખ : ૧૩/૦૨/૨૦૨૪ ના રોજ  મોરબી ખાતે રહેતા યુવાને   સગીર વયની બહેન ગુમ થયા અંગેની  તાલુકા પોલીસ ફરીયાદ આપી હતી. પોલીસની પ્રાથમીક તપાસ કરતા મોરબીનો  રમજાન બ્લોચ નામનો શખ્સ સગીરાને લલચાવી, ફોસલાવી પોતાનું નામ છુપાવી લગ્ન કરવાના ઈરાદે અપહરણ કરી ભગાડી જઈ દુષ્કર્મ ગુજાર્યાનું સામે આવતા  પોલીસે  પોકસો , દુષ્કર્મ સહિતની કલમ  મુજબ નોધી ધરપકડ કરી હતી.  કોર્ટ આરોપીને જયુડીશ્યલ કસ્ટડીમાં મોકલી આપેલ હતો.  આરોપીની સેશન્સ કોર્ટે જામીન અરજી નામંજૂર કરતા   ગુજરાત હાઈકોર્ટમાં પોતાની જામીન અરજી દાખલ કરી હતી. જે ચાલી જતા  કામમાં મૂળ ફરીયાદી તરફે જામીન અરજી સંબંધેના વાંધાઓ તથા મહત્વના ચુકાદાઓ હાજર રાખી, વિશેષ ધારદાર દલીલો કરી હતી, કોર્ટ બન્ને પક્ષોને સાંભળ્યા બાદ આરોપીની જામીન અરજી રદ થવાની હોઈ, જેથી આરોપીને  જામીન અરજી પરત લેવાની ફરજ પડી હતી.ફરીયાદીના વકીલ તરીકે, વિઠલાપરા સોલિસિટર્સ એન્ડ એડવોકેટસ, ના વકીલ ચેતન વિઠલાપરા, સાગર સરવૈયા, વિજય વણઝારા, રીતુસિંહ, લવજી ભજગોતર, કિરીટ ગોહિલ, જયદીપ બથવાર, સંજય ચાવડા, એમ. એમ. રાઠોડ, દક્ષાબેન બથવાર , મદદનીશ તરીકે કિશન ભીમાણી, હિરેન એસ. વિઠલાપરા, એસ. સી. વિઠલાપરા, હિરેન ખીમસુરીયા, ભાવેશ વોરા, વિનોદ ચૌહાણ, સચિન આર. દેસાઈ રોકાયેલ હતા.