Mumbaiતા.02
પંજાબ કિંગ્સનો ઓસ્ટ્રેલીયન ઓલ રાઉન્ડર ગ્લેન મેકસવેલ આંગળીના ફ્રેકચરને કારણે આઈપીએલની બાકીની મેચોમાંથી બહાર થઈ ગયો છે.કોલકતા નાઈટ રાઈડર્સ સામેની પાછલી મેચ દરમ્યાન મેકસવેલ ઈન્જર્ડ થયો હતો. જે મેચ વરસાદને કારણે ધોવાઈ ગઈ હતી.
પંજાબની ટીમ હાલમાં તેના રિપ્લેસમેન્ટ તરીકે ટીમના ઉપલબ્ધ પ્લેયર પર નજર રાખી રહી છે. 4.2 કરોડ રૂપિયાનો આ પ્લેયર વર્તમાન સીઝનમાં ખાસ પ્રદર્શન કરી શકયો નથી.
સાત મેચની છ ઈનિંગ્સમાં તે આઠની એવરેજથી અને 97.95 ના સ્ટ્રાઈક-રેટથી 48 રન જ કરી શકયો છે. 8.46 ના ઈકોનોમી-રેટથી 110 રન આપીને તે ચાર વિકેટ લેવામાં સફળ રહ્યો છે.
