Bangalore, તા.3
IPL 2025ની બાવનમી મેચ આજે રોયલ ચેલેન્જર્સ બેંગલુરૂ (RCB) અને ચેન્નઈ સુપર કિંગ્સ (CSK) વચ્ચે રમાશે. સીઝનની પહેલી ટક્કરમાં ચેન્નઈને ચેપોક સ્ટેડિયમમાં બેન્ગલોર સામે 50 રને હારનો સામનો કરવો પડયો હતો.
પ્લેઑફની રેસમાંથી બહાર થયેલી ચેન્નઈની ટીમ આજની મેચમાં બેન્ગલોરને તેના ગઢમાં હરાવીને આ હારનો બદલો લેવાનો પ્રયાસ કરશે. બન્ને ટીમ વચ્ચે આ સ્ટેડિયમમાં અગિયાર મેચ રમાઈ છે. બન્ને ટીમ પાંચ-પાંચ મેચ જીતી છે, જ્યારે 2012ની એક મેચ નો-રિઝલ્ટ રહી હતી.
આ મેચમાં જીતથી RCB ના કુલ 16 પોઇન્ટ થઈ જશે અને પ્લેઑફમાં તેમનું સ્થાન લગભગ નિશ્ચિત થઈ જશે. આ પછી RCB એ ત્રણ વધુ મેચ રમવાની છે અને જે રીતે તેમની ટીમ સતત સારું પ્રદર્શન કરી રહી છે એ જોતાં તેઓ ટોચનાં બેમાં સ્થાન મેળવવા પર નજર રાખશે.
જેથી તેમને ફાઈનલમાં પહોંચવાની બે તક મળે. મહેન્દ્ર સિંહ ધોની અને વિરાટ કોહલીની હાજરીથી આ મેચ સ્પેશ્યલ બનશે, કારણ કે ક્રિકેટ-ફેન્સને ભારતીય ક્રિકેટના આ બે સ્ટાર્સને કદાચ છેલ્લી વાર એકબીજા સામે રમતા જોવાની તક મળશે.
હેડ-ટુ-હેડ રેકોર્ડ
કુલ મેચ 35
CSK ની જીત 22
RCB ની જીત 12
નો-રિઝલ્ટ 01
