પાકિસ્તાનના સ્થાનિક અહેવાલો અનુસાર, બહાવલપુરમાં હવાઈ હુમલા બાદ ૧૦૦થી વધુ આતંકવાદીઓ માર્યા ગયા છે
New Delhi, તા.૭
આતંકવાદ વિરુદ્ધ મોટી કાર્યવાહી કરતા, ભારતે બુધવારે રાત્રે ૧.૩૦ વાગ્યે ૯ આતંકવાદી ઠેકાણાઓ પર Airstrikes-હવાઈ હુમલો કર્યો. આ Airstrikesને ‘ઓપરેશન સિંદૂર’ નામ આપવામાં આવ્યું છે. આ ત્રણેય સેનાઓનું સંયુક્ત ઓપરેશન હતું. ભારતના શક્તિશાળી દળોએ પાકિસ્તાનમાં ૪ સ્થળો અને પીઓકેમાં ૫ સ્થળોને નિશાન બનાવ્યા છે. ભારતીય ગુપ્તચર એજન્સી rawએ બધા લક્ષ્યોને ઓળખી કાઢ્યા હતા, ત્યારબાદ લશ્કર અને જૈશના ઠેકાણાઓ પર સંપૂર્ણ આયોજન સાથે Airstrikes-હુમલો કરવામાં આવ્યો હતો. ભારતના હવાઈ હુમલા-Airstrikes પછી સંરક્ષણ મંત્રાલય દ્વારા જાહેર કરાયેલી એક પ્રેસ રિલીઝમાં કહેવામાં આવ્યું હતું કે ‘થોડા સમય પહેલા, ભારતીય સશસ્ત્ર દળોએ ‘ઓપરેશન સિંદૂર’ શરૂ કર્યું હતું, જેમાં પાકિસ્તાન અને પીઓકેમાં સ્થિત આતંકવાદી માળખાને નિશાન બનાવવામાં આવ્યા હતા, જ્યાંથી ભારત વિરુદ્ધ આતંકવાદી હુમલાઓનું આયોજન અને અમલ કરવામાં આવી રહ્યો હતો. આ એ જ સ્થળો છે જ્યાંથી ભારત પર આતંકવાદી હુમલાઓનું આયોજન અને અમલ કરવામાં આવી રહ્યો હતો. પાકિસ્તાનના સ્થાનિક અહેવાલો અનુસાર, બહાવલપુરમાં હવાઈ હુમલા બાદ ૧૦૦થી વધુ આતંકવાદીઓ માર્યા ગયા છે. જેમાં જૈશ-એ-મોહમ્મદના ૪, લશ્કર-એ-તૈયબાના ૩ અને હિઝબુલ મુજાહિદ્દીનના ૨ આતંકવાદી ઠેકાણાઓને નિશાન બનાવવામાં આવ્યા હતા. વધુમાં કહેવામાં આવ્યું હતું કે કુલ ૯ સ્થળોને નિશાન બનાવવામાં આવ્યા હતા. તે સ્પષ્ટપણે જણાવે છે કે અમારી કાર્યવાહી ઉશ્કેરણીજનક નથી. કોઈપણ પાકિસ્તાની લશ્કરને નિશાન બનાવવામાં આવ્યું નથી. ભારતે પોતાના લક્ષ્યો પસંદ કરવામાં સંયમ રાખ્યો છે. ભારતના હવાઈ હુમલા-Airstrikes બાદ પાકિસ્તાની સેનાનું નિવેદન પણ સામે આવ્યું છે. પાકિસ્તાની સેનાએ કહ્યું કે ૬ સ્થળોએ ૨૪ હુમલા કરવામાં આવ્યા હતા. આમાં ૮ લોકોના મોત થયા છે, જ્યારે ૩૩ લોકો ઘાયલ થયા છે. તે જ સમયે, ભારતીય સેનાના Airstrikes બાદ ગભરાયેલ પાકિસ્તાન નિયંત્રણ રેખા પર સતત યુદ્ધવિરામનું ઉલ્લંઘન કરી રહ્યો છે. ૬-૭ મેની રાત્રે, પાકિસ્તાની સેનાએ નિયંત્રણ રેખા અને જમ્મુ અને કાશ્મીરની સામેની આંતરરાષ્ટ્રીય સરહદ પર તેની ચોકીઓ પરથી કોઈ ઉશ્કેરણી વિના ગોળીબાર અને તોપમારો કર્યો હતો. આ અંધાધૂંધ ગોળીબાર અને તોપમારાથી ત્રણ નાગરિકોના જીવ ગયા છે. ભારતીય સેનાએ આ કાર્યવાહીનો યોગ્ય જવાબ આપ્યો છે.
Airstrikesના નવ સ્થળોનું લીસ્ટ
૧. બહાવલપુરઃ આંતરરાષ્ટ્રીય સરહદથી લગભગ ૧૦૦ કિમી દૂર આવેલું છે, તે જૈશ-એ-મોહમ્મદનું મુખ્ય મથક હતું, જેને ભારતીય દળો દ્વારા તોડી પાડવામાં આવ્યું છે.
૨. મુરિદકેઃ આ આતંકવાદી ઠેકાણું આંતરરાષ્ટ્રીય સરહદથી ૩૦ કિમી દૂર આવેલું છે. તે લશ્કર-એ-તૈયબાનો કેમ્પ હતો જે ૨૬/૧૧ના મુંબઈ હુમલા સાથે જોડાયેલો હતો.
૩. ગુલપુરઃ આ આતંકવાદી ઠેકાણું (પુંછ-રાજૌરી) થી ૩૫ કિમી દૂર આવેલું છે.
૪. લશ્કર કેમ્પ સવાઈઃ આ આતંકવાદી ઠેકાણું પીઓકે તંગધાર સેક્ટરમાં ૩૦ કિમી અંદર આવેલું છે.
૫. બિલાલ કેમ્પઃ જૈશ-એ-મોહમ્મદનું લોન્ચપેડ, આ ઠેકાણાનો ઉપયોગ આતંકવાદીઓને સરહદ પાર મોકલવા માટે કરવામાં આવતો હતો.
૬. કોટલીઃ થી ૧૫ કિમી દૂર સ્થિત લશ્કર કેમ્પ. આ એક એવું ઠેકાણું હતું જેમાં ૫૦થી વધુ આતંકવાદીઓને સમાવવાની ક્ષમતા હતી.
૭. બાર્નાલા કેમ્પઃ આ આતંકવાદી ઠેકાણું થી ૧૦ કિમી દૂર આવેલું હતું.
૮. સરજલ કેમ્પઃ જૈશનું તાલીમ કેન્દ્ર સાંબા-કઠુઆની સામે આંતરરાષ્ટ્રીય સરહદથી ૮ કિમી દૂર સ્થિત છે.
૯. મેહમૂના કેમ્પ (સિયાલકોટ નજીક)ઃ તે હિઝબુલ મુજાહિદ્દીનનો તાલીમ કેમ્પ હતો અને આંતરરાષ્ટ્રીય સરહદથી ૧૫ કિમી દૂર સ્થિત હતો.
