Morbi,તા.29
નાટકનો પર્દાફાશ કરી પોલીસે ફાયરીંગ કરનાર સહીત બેને ઝડપી લીધા, ૧.૪૫ લાખનો મુદામાલ જપ્ત
માળિયાના મોટા દહીંસરા નજીક બિલ્ડર પુત્ર પર ફાયરીંગ પ્રકરણમાં મોટો ધડાકો થયો છે જેમાં વેપારીએ દેવું વધી જતા લેણદારોને રૂપિયા ચુકવવા ના પડે તે માટે પોતે જ ૩ લાખ આપવાનું નક્કી કરી પોતાના પર ફાયરીંગ કરાવ્યું હતું એલસીબી ટીમે ફાયરીંગ કરનાર સહીતન બે ઇસમોને ઝડપી લઈને મુદામાલ કબજે લીધો છે
મોરબીના રહેવાસી તરુણભાઈ હંસરાજભાઈ ગામી (ઉ.વ.૪૬) વાળા ગત તા. ૨૦ ના રોજ મોટા દહીંસરા ગામથી નવલખી રોડ પર પોતાની કાર લઈને ઉભા હતા ત્યારે એક ઇસમેં ગાડીનો કાચ ખોલાવી ગાળો બોળી ગાળો બોલવાની ના કહેતા ઉશ્કેરાઈ જઈને તમંચા જેવા હથિયાર વડે ત્રણ રાઉન્ડ ફાયરીંગ કરી ગંભીર ઈજા પહોંચાડી હોવાની ફરિયાદ નોંધાવી હતી માળિયા પોલીસે ગુનો નોંધી માળિયા પોલીસ અને એલસીબી ટીમે બનાવ અંગે તપાસ ચલાવી હતી અને બે શકમંદ ઈસમો પરેશ ગોપાલભાઈ ઉધરેજા અને મકસુદ મહમદ હુશેન નકુમ એમ બે ઇસમોને એલસીબી કચેરી લાવી પૂછપરછ કરતા ફરિયાદી તરુણભાઈએ ધંધામાં દેવું વધી જતા લેણદારોને પૈસા ચુકવવા ના પડે તે માટે પોતે પોતાના ઉપર ફાયરીંગ કરાવવા માટે આરોપી પરેશને જણાવ્યું હતું જેથી તેને મકસુદનો સંપર્ક કરી ફાયરીંગ કરવાના રૂપિયા ૩ લાખ આપવાના નક્કી કરી કાવતરું રચ્યું હતું
ફરિયાદીએ પોતે જ કાવતરું રચી એક પિસ્તોલ અને ત્રણ જીવતા કાર્ટીસ આરોપી મકસુદને આપતા તેને ફાયરીંગ કર્યું હતું અને નક્કી થયા મુજબ મકસુદને રૂ ૩ લાખ પૈકી રૂ ૧.૫૦ લાખ આપી દીધા હતા એલસીબી ટીમે આરોપી પરેશ ગોપાલ ઉધરેજા રહે મોરબી પંચાસર રોડ પુષ્કર એપાર્ટમેન્ટ અને મકસુદ મહમદ હુશેન નકુમ રહે જુના બસ સ્ટેન્ડ પાસે મોરબી એમ બે આરોપીને ઝડપી લઈને બનાવમાં વપરાયેલ હથિયાર પિસ્તોલ અનંગ ૦૧ કીમત રૂ ૧૦,૦૦૦, બનાવને અંજામ આપવા લીધેલ રૂપિયા પૈકી રૂ ૧,૧૦,૦૦૦ અને ૩ મોબાઈલ ફોન કીમત રૂ ૨૫,૫૦૦ સહીત કુલ રૂ ૧,૪૫,૫૦૦ નો મુદામાલ કબજે લીધો છે
ફરિયાદ નોંધાવી ત્યારથી ફરિયાદી શંકાના દાયરામાં હતો
ફરિયાદીએ પોલીસ ફરિયાદ નોંધાવી હતી ત્યારે એવું જણાવ્યું હતું કે ગાળો બોળી અજાણ્યા ઇસમેં ફાયરીંગ કરી ડોકના પાછળના ભાગે અને એક ફાયરીંગ માથાના ભાગે તેમજ એક ફાયરીંગ ડાબા ગાલના ભાગે કરતા તેને ગાડી ચાલુ કરી નીકળી ગયો હતો અને ઈજાગ્રસ્ત હાલતમાં ખાખરાળા ગામ સુધી પહોંચી ગયો હતો જોકે ત્રણ ગોળીઓ લાગ્યા બાદ માણસ જાતે ગાડી ચલાવી સકે કે કેમ તે મોટો પ્રશ્ન હતો અને ત્યારથી ફરિયાદી પોતે શંકાના દાયરામાં હતો આખરે પોલીસે નાટકને પકડી પાડી સમગ્ર મામલો ખુલ્લો પાડી દીધો છે
