Mumbai,તા.9
સલમાન ખાન પોતાની અદાકારીની સાથે-સાથે ફિટનેસ માટે પણ ખૂબ ચર્ચામાં રહે છે. આ દિવસોમાં તેઓ પોતાની આગામી ફિલ્મ ’માતૃભૂમિ’ને લઈને ચર્ચામાં છે. આ દરમિયાન સલમાન કેટલીક આરામદાયક પળો વિતાવતા જોવા મળ્યાં, જ્યાં તેઓ મુંબઈનાં ખુશનુમા હવામાનની મજા માણી રહ્યાં છે.
સલમાન ખાને પોતાનાં ઇન્સ્ટાગ્રામ એકાઉન્ટ પરથી એક પોસ્ટ શેર કરી છે. તેમણે પોતાની તસવીરો પોસ્ટ કરી છે, જેમાં તેમની ફિટનેસ જોઈને ફેન્સ દંગ રહી ગયાં છે. સલમાન ખાન પોતાનાં બાઈસેપ્સ ફ્લોન્ટ કરતાં જોવા મળી રહ્યાં છે.
તસવીરમાં જોઈ શકાય છે કે વરસાદની ઋતુ છે, આસપાસ હરિયાળી છે. સલમાન ખાન ખુરશી પર બેસીને આરામ ફરમાવી રહ્યાં છે. તેઓ માથા પર ગોળ ટોપી પહેરીને બેઠાં છે. પોસ્ટની સાથે સલમાન ખાને કેપ્શનમાં લખ્યું છે, ’માતૃભૂમિ’. આ તેમની આગામી ફિલ્મનું નામ છે. આ પોસ્ટ પર નેટિઝન્સે કોમેન્ટ્સનો વરસાદ કરી દીધો છે. સૌથી વધુ ધ્યાન ભાઈજાનની ફિટનેસ પર ગયું છે. દબંગ ખાનના મસલ્સ નજરે પડી રહ્યાં છે.
’માતૃભૂમિ’ વિશે :-
સલમાન ખાનની આ પોસ્ટ પર નેટિઝન્સ તેમનાં વખાણ કરી રહ્યાં છે. યુઝર્સ લખી રહ્યાં છે, ’તમે હંમેશાં ફેવરિટ છો.’ એક યુઝરે લખ્યું છે, ’ભાઈજાનના બાઈસેપ્સ.’ ફેન્સ તેમનાં માટે દુઆઓ પણ કરી રહ્યાં છે. યુઝર્સ લખી રહ્યાં છે, ’ભાઈ તમને ખૂબ બરકત મળે અને દરેક તકલીફ દૂર થાય.’
સલમાન ખાનની ફિલ્મ ’માતૃભૂમિ’માં ચિત્રાંગદા સિંહ પણ મહત્વની ભૂમિકામાં છે. ફિલ્મનું નિર્દેશન અપૂર્વ લાખિયાએ કર્યું છે. આ ભારતીય અને ચીની સેનાઓ વચ્ચે 2020માં થયેલી ગલવાન ઘાટીની અથડામણ પર આધારિત છે. ફિલ્મનું નામ પહેલા ’બેટલ ઓફ ગલવાન’ હતું, જે બાદમાં બદલી દેવામાં આવ્યું.
સલમાન ખાનની ફિલ્મ ’માતૃભૂમિ’માં ચિત્રાંગદા સિંહ પણ મહત્વની ભૂમિકામાં છે. ફિલ્મનું નિર્દેશન અપૂર્વ લાખિયાએ કર્યું છે. આ ભારતીય અને ચીની સેનાઓ વચ્ચે 2020માં થયેલી ગલવાન ઘાટીની અથડામણ પર આધારિત છે.
