Amreli: પિતાએ ૫ વર્ષની પુત્રીને મારી નાખી પોતે પણ આપઘાત કરી લેતા ચકચાર

બનાવમાં મિત્રને મરી જવા મજબુર કર્યાની મિત્ર સામે  ફરિયાદ નોંધાઈ

(મિલાપ રૂપારેલ દ્વારા)

Amreli તા.૨૫ઃ

ગત તા.૧૬ સાવરકુંડલા તાલુકાના હાડિડા ગામે પોતાના રહેણાક મકાનમાં એક પિતાએ પોતાની ૫ વર્ષની પુત્રીને શ્વાસ રૂંધાવી મારી નાખી અને તેમના મૃતદેહને ફ્રિજમાં સમાધી આપી દઈ અને બાદમાં પોતે પણ ગળાફાસો ખાઈ આપઘાત કરી લેતા ભારે ચકચાર મચી જવા પામી હતી. આ બનાવમાં પોલીસે પ્રથમ પુત્રીની હત્યા અંગે મૃતક પિતા સામે ગુન્હો નોંધી તપાસ હાથ ધરતા મૃતક પિતાના મહુવા ખાતે રહેતા એક મિત્રએ પોતાની બાંધકામની સાઇટ ઉપર નોકરીએ રાખી અને તેમના પગારના બચતના તથા પર્સનલ લોનના તથા સોનાની બુટી ગીરવે મુકી મેળવેલ કુલ રૂપિયા ૭,૨૫,૦૦૦ આરોપીએ પોતાની બાંધકામની સાઇટમાં રોકાણ કરાવી અને રોકાણના પૈસા પરત મેળવવા મૃતક પિતાએ ઉઘરાણી કરવા છતા મહુવા ખાતે રહેતા તેમના મિત્ર એવા આરોપીએ પૈસા પરત નહી આપી મૃતક પિતાએ પણ પોતાની જાતે ગળાફાસો ખાઇ આત્મહત્યા કરી લેતા આ બનાવ બાદ પોલીસે ઝીણવટ ભરી તપાસ હાથ ધરી હતી આ બનાવમાં મૃતકના પત્નીએ પોતાના પતિને મરી જવા મજબુર કર્યાની મહુવા ગામે રહેતા મૃતકના મિત્ર સામે પોલીસ ફરિયાદ નોંધાવતા પોલીસે ધોરણ સર કાર્યવાહી હાથ ધરી છે.

આ બનાવમાં સાવરકુંડલા તાલુકાના દાધીયા ગામે રહેતા મંજુલાબેન કિશોરભાઈ ધાનક નામની ૪૦ વર્ષીય મહિલાના પતિ કિશોરભાઈ ધાનકને તેમના મહુવા ગામે રહેતા મિત્રએ પોતાની બાંધકામની સાઇટ ઉપર નોકરીએ રાખી અને કિશોરભાઈ ધાનકના પગારના બચતના તથા પર્સનલ લોનના તથા સોનાની બુટી ગીરવે મુકી મેળવેલ કુલ રૂપિયા ૭,૨૫,૦૦૦ આરોપીએ પોતાની બાંધકામની સાઇટમાં  રોકાણ કરાવી અવાર નવાર તે રોકાણના પૈસા પરત મેળવવા કિશોરભાઈ ધાનકે ઉઘરાણી કરવા છતા આરોપીએ પૈસા પરત નહી આપી કિશોરભાઈ ધાનકને મનોનમ લાગી આવતા અને મરવા માટે મજબુર કરતા ગત તા.૧૬ ના કલાક ૨ વાગ્યાથી ૬ વાગ્યાના સમયગાળા દરમ્યાન કોઇપણ સમયે હાડિડા ગામે પ્રથમ પોતાની પાંચ વર્ષની દીકરી હિમાંશી ઉર્ફે દીકુ તેને મોઢા આડો હાથ દઈ શ્વાસ રૂંધાવી મારી નાખી ત્યાર બાદ કિશોરભાઈ ધાનકે  પોતે પોતાની જાતે ગળાફાસો ખાઇ આત્મહત્યા કરી લેતા આ બનાવ બાદ પોલીસે ઝીણવટ ભરી તપાસ હાથ ધરી હતી આ બનાવમાં મંજુલાબેન કિશોરભાઈ ધાનકની ફરિયાદ ઉપરથી તેણીના પતિને મરી જવા મજબુર કર્યાની કિશોરભાઈ ધાનકના મહુવા ગામે રહેતા મિત્ર સામે ધોરણ સર કાર્યવાહી હાથ ધરી છે.