New Delhi,તા.૨૭
ભારત અને બ્રાઝિલ વચ્ચેના રાજદ્વારી સંબંધોને નવી દિશા આપતા સંદેશમાં Pm Modiએ બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વાને ચૂંટણીમાં મળેલી જીત બદલ અભિનંદન પાઠવ્યા છે. સોશિયલ મીડિયા પ્લેટફોર્મ ઠ પર શુભેચ્છા આપતાં મોદીએ લુલાને પોતાના ‘પ્રિય મિત્ર’ તરીકે સંબોધ્યા હતા. સાથે જ બંને દેશો વચ્ચેની વ્યૂહાત્મક ભાગીદારીને વધુ ગાઢ બનાવવા અને સહયોગનાં ક્ષેત્રો વિસ્તારવાની ઇચ્છા વ્યક્ત કરી હતી.
Pm Modiના સંદેશનો મુખ્ય ભાર ભારત અને બ્રાઝિલ વચ્ચેના સહકારને વધુ મજબૂત બનાવવા પર રહ્યો હતો. બંને દેશો આંતરરાષ્ટ્રીય મંચો પર અનેક મુદ્દાઓ અંગે સહિયારો અભિગમ અપનાવે છે. ખાસ કરીને વિકાસશીલ દેશોના હિતો, વૈશ્વિક આર્થિક વ્યવસ્થામાં તેમની ભૂમિકા અને આંતરરાષ્ટ્રીય સહયોગ જેવા વિષયો બંને માટે મહત્ત્વ ધરાવે છે.
ગ્લોબલ સાઉથ તરીકે ઓળખાતા વિકાસશીલ દેશોના હિતોને આગળ વધારવામાં ભારત અને બ્રાઝિલ બંને સક્રિય ભૂમિકા ભજવવાનો પ્રયાસ કરે છે. આવી સ્થિતિમાં બંને નેતાઓ વચ્ચેનો સંવાદ વેપાર, રોકાણ, ટેક્નોલોજી અને અન્ય ક્ષેત્રોમાં સહકાર વધારવા માટે મહત્ત્વપૂર્ણ બની શકે છે.
અમેરિકાની વેપાર નીતિઓ અને ઊંચા ટેરિફને લઈને બ્રાઝિલના વલણ પર પણ આંતરરાષ્ટ્રીય સ્તરે ચર્ચા થઈ રહી છે. લુલાએ એકતરફી વેપાર પ્રતિબંધો સામે વાંધો ઉઠાવ્યો છે. અગાઉ ભારત અને બ્રાઝિલ પર અમેરિકાના ટેરિફને લઈને બંને દેશો વચ્ચે સંપર્ક થયો હોવાનો અહેવાલ પણ સામે આવ્યો હતો.
આ પરિસ્થિતિમાં ભારત અને બ્રાઝિલ વચ્ચે આર્થિક સહયોગ વધારવાના પ્રયાસો બંને દેશો માટે મહત્ત્વના બની શકે છે. જોકે, દ્વિપક્ષીય સંબંધોમાં આગળની પ્રગતિ વેપાર નીતિઓ, પરસ્પર હિતો અને બંને સરકારો દ્વારા લેવાતા નીતિગત નિર્ણય પર નિર્ભર રહેશે.
લુલાને અમેરિકાના રાષ્ટ્રપતિ ડોનાલ્ડ ટ્રમ્પની કેટલીક નીતિઓના ટીકાકાર તરીકે જોવામાં આવે છે. વેપાર અને રાજદ્વારી મુદ્દાઓ પર બંને નેતાઓના અભિગમમાં તફાવત જોવા મળ્યો છે. બ્રાઝિલની આંતરિક રાજનીતિમાં પણ લુલા અને ભૂતપૂર્વ રાષ્ટ્રપતિ જૈર બોલ્સોનારો વચ્ચે લાંબા સમયથી રાજકીય સ્પર્ધા રહી છે.
મોદીની શુભેચ્છા માત્ર ઔપચારિક સંદેશ પૂરતી મર્યાદિત ન રહે, પરંતુ બંને દેશો વચ્ચે સહકાર વધારવાની દિશામાં આગળ વધે તેવી અપેક્ષા છે. વિશ્વની મોટી ઊભરતી અર્થવ્યવસ્થાઓ તરીકે ભારત અને બ્રાઝિલ વેપાર, રોકાણ અને વૈશ્વિક મંચો પર સહયોગ દ્વારા પોતાના હિતોને આગળ ધપાવી શકે છે. આગામી સમયમાં બંને દેશો વચ્ચેની ઉચ્ચસ્તરીય વાતચીત અને નીતિગત પહેલથી આ વ્યૂહાત્મક ભાગીદારી કેટલી વિસ્તરે છે તે મહત્ત્વપૂર્ણ રહેશે.
