Mumbai,તા.17
દક્ષિણ આફ્રિકા સામે પ્રથમ ટેસ્ટના બીજા દિવસે ભારતીય ટીમના કેપ્ટન શુભમન ગિલ ગાળાના ભાગે ઈજા થઇ હતી, જેને કારણે તેણે મેદાન છોડી જવું પડ્યું હતું. અહેવાલ મુજબ ગિલની ઈજા ગંભીર છે, તેને થોડા સમય માટે ઇન્ટેન્સિવ કેર યુનિટ માં રાખવામાં આવ્યો હતો, હાલ તે ડોકટરોના નિરીક્ષણ હેઠળ છે. ગિલ પહેલી ટેસ્ટમાંથી બહાર થઇ ગયોનો હતો.બીજી ટેસ્ટ મેચમાં પણ તેનું રમવું મુશ્કેલ જણાઈ રહ્યું છે.
કોલકાતા ટેસ્ટના બીજા દિવસે ભારતની પ્રથમ ઇનિંગ દરમિયાન સિમોન હાર્મરના બોલ પર બાઉન્ડ્રી ફટકારવા સ્લોગ-સ્લિપ શોટ રમ્યો હતો, આ દરમિયાન તેને ગાળામાં ઝટકો લાગ્યો હતો. ટીમના ફિઝિયોએ તાત્કાલિક મેદાનમાં દોડી આવ્યા તેની તપાસ કરી, ગિલ માત્ર ચાર રન બનાવીને રીટાયર્ડ હર્ટ થયો, અને પવેલિયનમાં ચાલ્યો ગયો હતો.
શરૂઆતમાં ગીલની ઈજા ચિંતાજનક ન લાગી, પરંતુ દિવસ આગળ વધતો ગયો તેમ તેની હાલત વધુ ખરાબ થતી ગઈ. ગિલને સ્ટ્રેચર પર સુવડાવીને સ્ટેડિયમની બહાર લઈ જવામાં આવ્યો, તેના ગાળામાં સર્વાઇકલ કોલર બાંધવામાં આવ્યું હતું.
અહેવાલ મુજબ સ્વસ્થ થવામાં ઘણા દિવસો લાગી શકે છે, જેના કારણે ગુવાહાટીમાં 22 નવેમ્બરથી રમાનારી બીજી ટેસ્ટમાં પણ તે ભાગ લઇ શકે એવું લાગતું નથી.
