તો આ તારૂં નાર્કોસ-થાણું છે. સમાજમાં ડબ્બા (ટિફિન) સેવાની આડમાં ડ્રગ્સનો ધંધો ચલાવતી મહિલાઓની એક ટોળકીને તેમના નવા ભાગીદાર દ્વારા આ ટેગ આપવામાં આવે છે, જે શબાના આઝમી, ગજરાજ રાવ, જ્યોતિકા જેવા સ્ટાર્સ અભિનીત વેબ સિરીઝ ડબ્બા કાર્ટેલને પણ બંધબેસે છે. આ શ્રેણી પ્રખ્યાત ડ્રગ માફિયા શો નાર્કોસનું દેશી સ્ત્રી વર્ઝન રજુ કરવાનો પ્રયાસ છે.
આ વાર્તા પાંચ મહત્વાકાંક્ષી મહિલાઓ, રાજી (શાલિની પાંડે), માલા (નિમિષા સજ્જન), શાહિદા (અંજલિ આનંદ), વરુણ (જ્યોતિકા) અને શીલા (શબાના આઝમી)ની આસપાસની છે, જેઓ જીવનમાં કેટલીક મજબૂરી સાથે સંઘર્ષ કરી રહી છે અને ટિફિન સેવાની આડમાં ડ્રગ કાર્ટેલની સ્થાપના કરે છે. આ તમામ મહિલાઓ કોઈને કોઈ રીતે ફાર્માસ્યુટિકલ કંપનીના કર્મચારીઓની એક સોસાયટી સાથે જોડાયેલી છે.
ઉદાહરણ તરીકે, વરુણા કંપનીના વરિષ્ઠ અધિકારી શંકર (જિશુ સેનગુપ્તા)ની પત્ની છે. રાજીના પતિ હરિ (ભુપેન્દ્ર સિંહ જાદાવત) એ જ કંપનીમાં કામ કરે છે. અહીં, રાજી પોતાની કામવાળી બાઈ માલા સાથે ડબ્બાનો ધંધો શરૂ કરે છે. પરંતુ સ્થિતિ એવી બને છે કે બોક્સમાં ખોરાક ખાવાની સાથે ડ્રગ્સ પણ વેચવું પડે છે.
આ સાથે, તેના બિઝનેસ પાર્ટનર્સની સંખ્યા પણ વધે છે, દલાલ શાહિદા અને વરુણ સિવાય, સૌથી મહત્વપૂર્ણ પાત્ર રાજીની સાસુ શીલા ઉર્ફે કાશી એટલે કે શબાના આઝમી, જેનો ભૂતકાળ કાળો હતો.
અહીં, ફાર્મા કંપની તેની પ્રતિબંધિત દવાઓમાંથી એકના વેચાણને લઈને અલગ સંકટનો સામનો કરી રહી છે. તપાસ એજન્સીના અધિકારી અજીત પાઠક (ગજરાજ રાવ) એક જુનિયર પોલીસ કર્મચારી પ્રીતિ (સાઈ તામ્હંકર) આ કૌભાંડને બહાર પાડવાની મથામણ કરી રહ્યા છે. એકંદરે, વાર્તામાં ઘણું બધું થઈ રહ્યું છે. ઘણા વળાંકો આવે છે, પરંતુ તે નવા લાગતા નથી. જેમ જેમ વાર્તા આગળ વધે છે તેમ તે સામાન્ય થતી જાય છે. વળી, આ મહિલા ગેંગ નવી ડ્રગ્સ શોધવાથી માંડીને ડ્રગ્સ બજારની રાણી બનવા સુધીની સફર જે સરળતાથી કરે છે તે વિશ્વાસપાત્ર લાગતું નથી.
આમ છતાં, જો શ્રેણી તમને આકર્ષિત રાખે છે, તો તેનો શ્રેય કલાકારોના અભિનયને જાય છે. આ સીરીઝમાં શબાના આઝમી એક ભયંકર ગોડમધરની સ્ટાઈલમાં છે. જો કે, વાર્તામાં તેનો મોડો પ્રવેશ બરાબર લાગતો નથી. શાલિની પાંડેએ રાજીનું પાત્ર સુંદર રીતે નિભાવ્યું છે. સ્પષ્ટવક્તા માલા તરીકે નિમિષા અને આંતરિક સંઘર્ષથી ઝઝૂમી રહેલી વરુણ તરીકે જ્યોતિકાનો અભિનય પણ સારો છે.
તે જ સમયે, અંજલિ આનંદ અને સાઈ તામ્હંકર પણ તેમના પાત્રો સાથે ન્યાય કરે છે. ગજરાવ રાવ એકટીંગમાં એક્સપર્ટ છે. તેના અભિનયમાં ઠાવકાપણું બતાય છે. ટેકનિકલ પાસાઓ વિશે વાત કરીએ તો, હિતેશ ભાટિયા દ્વારા નિર્દેશિત શ્રેણીની સિનેમેટોગ્રાફી સારી છે. સંગીત કંટાળો અપાવશે. તે જ સમયે, એડીટીંગ વધુ અસરકારક હોવું જોઈએ.
