Rajkot,તા.05
લોધીકા રોડ પર આવેલ રાજકોટ ફાઉન્ડ્રી’ કંપની સાથે રૂ.૩૯.૨૦ લાખની ઠગાઈનો બનાવ સામે આવ્યો છે. જેમાં પૂર્વ એકાઉન્ટન્ટે જ ખેલ પાડી દઈ
કંપનીના રૂપીયા પોતાના એકાઉન્ટમાં ટ્રાન્સફર કરી દેતાં લોધીકા પોલોસમાં ગુનો નોંધાયો હતો.બનાવ અંગે કોઠારિયા મેઈન રોડ પર આવેલ ન્યુ સુભાષનગરમાં રહેતાં મૂળ સરધારના વતની અજયભાઈ ચુનીભાઇ ખુંટ (ઉ.વ.૪૫) એ નોંધાવેલ ફરીયાદમાં આરોપી તરીકે નિલેશ મનસુખલાલ જાની ( રહે માધાપર ચોકડી, ગૌતમ એપાર્ટમેન્ટ, રાજકોટ, મૂળ ધોરાજી) નું નામ આપતાં લોધીકા પોલીસે ગુનો નોંધી તપાસ આદરી હતી.
વર્ષ ૨૦૦૩ માં મેટોડા જીઆઈડીસીમાં ખાતે કીશાન ગેઇટમાં પ્લોટ નં G-1311 માં એસ્ટીમ ઓટો નામની કંપની સ્થાપેલી હતી અને આ કંપનીના માલીક ભાવેશભાઈ રામજીભાઇ લીંબાસીયા છે. ગઇ તા.૨૨/૦૭/૨૦૨૧ ના કંપનીની એકાઉન્ટ તરીકે નીલેશ જાનીની નીમણૂક કરેલી હતી.
તેઓ કંપનીનું એકાઉન્ટ સાંભળી પેમેન્ટની ચુકવણી તેઓ કરતા હતા. વર્ષ ૨૦૨૫ માં નીલેશ જાની નોકરીમાં સમયસર આવતા ન હોય જેથી તેમને ગઇ તા. ૦૫/૧૨/૨૦૨૫ થી નોકરીમાં છુટા કરેલા હતા. ત્યારબાદથી એસ્ટીમ ઓટોમાં કંપનીના મુખ્ય એકાઉન્ટ તરીકે વિવેક મંદીરની નીમણૂક કરેલી છે.
કંપનીના એકાઉન્ટમાં વિભાગમાં વિવેક મંદીર સાથે બેસેલો હતો ત્યારે વિવેકભાઇએ વાત કરેલ કે, આપણી કંપનીમાં કામ કરતા એમ.ડી. સાઉથ નામના કર્મચારીના રૂ.૨૯૬૫૦ તા. ૦૮/૦૮/૨૦૨૫ ના રોજ એડવાન્સ પેટે લીધેલ હોવાની એન્ટ્રી છે જે બાબતે શું કરવાનુ છે ? જેથી કંપનીમાં સીએનસી ઓપરેટર તરીકે કામ કરતા એમ.ડી. સાઉથને ઓફીસમાં બોલાવી આ બાબતે પુછતા, તેમણે જણાવેલ કે, મે કોઈ એડવાન્સ પૈસા લીધેલ નથી. જેથી એમ.ડી.સાઉથના બેંક સ્ટેટન્ટ મંગાવી ચેક કરતા તેમા તા. ૦૮/૦૮/૨૦૨૫ ના રૂ. ૨૯૬૫૦ જમાં થયેલ હોય તેવી કોઈ એન્ટ્રી જોવા મળેલ નહી જેથી શંકા ગયેલ કે, કંપનીમાં અગાઉ એકાઉન્ટ તરીકે કામ નીલેશ જાનીએ કોઈ છેતરપીંડી કરેલ છે.
વર્ષ ૨૦૨૪ થી ૨૦૨૫ સુધીનુ બેંક સ્ટેટમેન્ટ તપાસ કરતા જેમાં તા.૩૦/૦૪/૨૦૨૪ થી તા.૨૯/૧૧/૨૦૨૫ સુધી નીલેશભાઈ જાનીના પોતાના બેંક એકાઉન્ટમાં અલગ અલગ સમયે જુદી જુદી રકમ મળી આશરે રૂ. ૩૯,૨૦,૮૦૦ ટ્રાન્સફર કરી છેતરપીંડી આચરેલ છે. બનાવ અંગેની ફરીયાદ પરથી લોધીકા પોલીસે ગુનો નોંધી આરોપીને પકડવા ચક્રો ગતિમાન કર્યા હતાં.
