ઓફિસર અમિતકુમાર આનંદરાવ ડોંગરે અને તેમના વચેટિયા ભાવસિંહ ઝાલાને લાંચ લેતા રંગેહાથે ઝડપી પડાયા
Ahmedabad, તા.૮
અમદાવાદ મ્યુનિસિપલ કોર્પોરેશન (છસ્ઝ્ર)ના ચીફ ફાયર ઓફિસર અમિતકુમાર આનંદરાવ ડોંગરે અને તેમના વચેટિયા ભાવસિંહ ઝાલાને રૂ.૩૬,૦૦૦ની લાંચ લેતા એન્ટી કરપ્શન બ્યુરો (છઝ્રમ્) દ્વારા રંગેહાથે ઝડપી પાડવામાં આવ્યા છે. દોઢ વર્ષના પ્રોબેશન ગાળામાં જ લાંચ લેતા પકડાયેલા ક્લાસ-૧ અધિકારી સામે ત્વરિત કાર્યવાહી કરીને તેમને સસ્પેન્ડ પણ કરી દેવામાં આવ્યા છે. આ ગંભીર કાર્યવાહીથી મનપાના અધિકારીઓ અને ભ્રષ્ટ કર્મચારીઓમાં ભારે ખળભળાટ મચી ગયો છે.
આ સમગ્ર કૌભાંડનો પર્દાફાશ ત્યારે થયો જ્યારે એક ફરિયાદીએ શહેરની ૬ જુદી-જુદી બિલ્ડિંગોની ફાયર ર્દ્ગંઝ્ર મંજૂરી અર્થે ગુજરાત સરકારના પોર્ટલ પર અરજી કરી હતી. આ ર્દ્ગંઝ્ર મંજૂર કરવાના બદલામાં ચીફ ફાયર ઓફિસર અમિત ડોંગરે વતી ભાવસિંહ ઝાલા નામના વહીવટદારે પ્રતિ બિલ્ડિંગ રૂ.૬,૦૦૦ લેખે કુલ ૬ બિલ્ડિંગના રૂ.૩૬,૦૦૦ની લાંચની માંગણી કરી હતી. તપાસમાં સામે આવ્યું છે કે ફાયર સેફ્ટી અંગેની કોઈપણ નાણાકીય લેવડ-દેવડ માટે ભાવસિંહને જ
લાંચની આ માંગણી અંગે ફરિયાદીએ વડોદરા શહેર છઝ્રમ્માં ફરિયાદ નોંધાવી હતી. ફરિયાદના આધારે છઝ્રમ્ની ટીમે મેમનગરમાં વિજય ચાર રસ્તા પાસે આવેલા યસ એક્વા કોમ્પ્લેક્સ નજીક સફળ ટ્રેપ ગોઠવી હતી. ત્યાં રૂ.૩૬,૦૦૦ની લાંચ સ્વીકારતા ખાનગી વ્યક્તિ ભાવસિંહ ઝાલાને રંગેહાથે ઝડપી પાડવામાં આવ્યો હતો. વચેટિયાની ધરપકડ અને પૂછપરછમાં જરૂરી પુરાવા મળતા જ છઝ્રમ્એ ચીફ ફાયર ઓફિસર અમિત ડોંગરેની પણ અટકાયત કરીને કાયદેસરની કાર્યવાહી હાથ ધરી હતી.
અત્રે ઉલ્લેખનીય છે કે, ઓક્ટોબર ૨૦૨૪માં મ્યુનિસિપલ કોર્પોરેશનની પરીક્ષા પાસ કર્યા બાદ અમિત ડોંગરેની ચીફ ફાયર ઓફિસર તરીકે નિમણૂક કરવામાં આવી હતી. અમદાવાદ મ્યુનિસિપલ કોર્પોરેશનના ઇતિહાસમાં પહેલીવાર ફાયર વિભાગના આંતરિક સ્ટાફના સભ્યને બદલે બહારથી સીધી ચીફ ફાયર ઓફિસર તરીકે નિમણૂક કરાઈ હતી. હાલમાં છઝ્રમ્ દ્વારા આ સમગ્ર કૌભાંડમાં અન્ય કોઈ વ્યક્તિ કે અધિકારીની સંડોવણી છે કે નહીં તે દિશામાં વધુ તપાસ ચલાવવામાં આવી રહી છે.
