Washington તા.9
કેથોલિક ચર્ચનાં 2000 વર્ષનાં જુના ઈતિહાસમાં પહેલીવાર એક અમેરિકી નાગરીક પોપ તરીકે પસંદ કરવામાં આવ્યા છે. કાર્ડીનલ રોબર્ટ પ્રેવોસ્ટન પોપ તરીકે પસંદ કરાયા છે અને તેમણે પોપ લિયો (14 મા)નું નામ અપનાવ્યુ છે.
તેઓ અગસ્તિની ધર્મસંઘના સભ્ય છે અને વર્ષો સુધી પેરૂમાં મિશનરી તરીકે કામ કરી ચૂકયા છે. પોપ લીયો 14 માં એ પોતાના પહેલા શબ્દોમાં કહ્યું છે. શાંતિ આપની સાથે હોય.
સિસ્ટીન ચેપલથી જેવો સફેદ ધુમાડો નિકળ્યો વેટિકનનાં સેન્ટ પીટર્સ સ્કવેરમાં મોજુદ હજારો લોકોની ભીડ ખુશીથી ઝુમી ઉઠી હતી. ચર્ચનાં સિનિયર કોર્ડિનલે પરંપરાગત જાહેરાત કરી હતી કે ‘Hanemus Papam અર્થાત અમને નવા પોપ મળી ગયા છે.
જાહેરાત સાથે પ્રવોસ્ટે પોપની પારંપારીક લાલ શાલ પહેરીને લોકોને પ્રથમ આર્શીવાદ આપ્યા. શિકાગોમાં જન્મેલ પ્રેવોસ્ટની પાસે પુરૂની નાગરિકતા પણ છે તેઓ વેટિકનમાં બિશન નિયુકિતઓના પ્રમુખ પદ પર કાર્યરત હતા અને માનવામાં આવી રહ્યું છે કે ફ્રાન્સીસ તેમને પોતાના ઉતરાધિકારી માનતા હતા.
