Gondalના વેજાગામમાં બે કલાકમાં છ ઇંચ વરસાદ: નદીમાં ઘોડાપુર: ખેતરો ધોવાયા

Gondal, તા.18
ગોંડલ થી પંદર કી.મી.દુર આવેલું બે હજાર ની વસ્તી ધરાવતા વેજાગામમાં બે કલાકમાં છ ઇંચ વરસાદ ખાબકતા ગામની સ્થિતિ જળબંબાકાર બની હતી. ભારે વરસાદને પગલે ગામની નદીમાં ઘોડાપુર આવ્યુ હતું. વેજાગામનાં સરપંચ જીતુભાઇ ભાલાળા નાં જણાવ્યા મુજબ માત્ર બે કલાકમાં ભારે વરસાદ પડતા નીચાણવાળા વિસ્તારમાં પાણી ભરાયા હતા.ગામની હાલત જળબંબાકાર બની હતી.વરસાદને કારણે મગફળીનાં પાથરા તણાયા હતા અને ખેતરોનું ધોવાણ થયુ હતુ.ગામમાં આવેલા એરટેલ નાં ટાવર પર વિજળી પડી હતી.કપાસ સહિતનાં પાકને વરસાદ ને કારણે પારાવાર નુકસાન થયુ છે.સરપંચ દ્વારા નુકસાની અંગે સહાય ની માંગ કરાઇ છે.