Jamnagar,તા ૧૧,
જામનગર નજીક બેડી ગરીબ નગર વિસ્તારમાં કેટલાક શખ્સો એકત્ર થઈને ગંજી પાના વડે જુગાર રમી રહ્યા છે, તેવી ચોક્કસ બાતમીના આધારે એલસીબીની ટુકડી એ દરોડો પાડ્યો હતો, અને ગંજી પાના વડે જુગાર રમી રહેલા પાંચ પતાપ્રેમીઓની અટકાયત કરી લીધી છે, અને તેઓ પાસેથી રૂપિયા ૨.૨૧ લાખની માલમતા કબજે કરી છે.
જામનગરની લોકલ ક્રાઈમ બ્રાન્ચની ટીમે બેડી વિસ્તારમાં જુગાર અંગે દરોડો પાડી જાહેરમાં ગંજી પાના વડે જુગાર રમી રહેલા એહમદ વલીમામદ ગજ્જણ, બસીર હુસેનભાઇ ગજ્જણ, નિઝામ રસીદભાઈ ચંગડા, નવાજ કાસમભાઈ તેમજ નાઝીર રજાકભાઈ માણેક વગેરેની અટકાયત કરી લીધી છે, અને તેઓ પાસેથી રૂપિયા ૯૬,૦૦૦ ની રોકડ રકમ, પાંચ નંગ મોબાઈલ ફોન, અને બે બાઈક સહિત કુલ ૨,૨૧,૦૦૦ ની માલમતા કબજે કરી લીધી છે.
