New Delhi,તા.06
હાલની ઈરાન કટોકટીના કારણે ગલ્ફ સહિતના દેશોમાંથી થતી કુદરતી ગેસની આયાતને ભારે ફટકો પડયો હતો અને એક તરફ ઓઈલ માર્કેટીંગ કંપનીઓએ કોમર્શિયલ સહિતના રાંધણ ગેસના ભાવ વધારવા પડયા અને એક તબકકે પુરવઠામાં `કાપ’ પણ મુકવો પડયો હતો.
તેથી સરકાર હવે આ પ્રકારના ભવિષ્યની કટોકટી પુર્વે દેશમાં ઈંધણ સલામતી ને ધ્યાનમાં લઈ ક્રુડતેલની માફક કુદરતી ગેસના સ્ટોરેજ પણ ઉભા કરવા માટે તૈયારી થઈ રહી છે.
જો કે ગેસના સ્ટોરેજ વ્યવસ્થા ખૂબજ ટેકનોલોજી તથા મોટું મુડીરોકાણ માંગી લે છે તેમાં સરકાર પહોંચી વળવા હવે એલપીજી પર સેવી એક ખાસ ચાર્જ વસુલવા તૈયારી કરી રહી છે જે પ્રતિ કિલો રૂા.1.29 હશે.
મતલબ કે તમામ એલપીજી પછી તે ઘરેલુ સપ્લાયના 14.5 કિલોના સિલીન્ડર હોય, કોમર્શિયલ 19 કિલો અને જે ઉદ્યોગોને એલપીજી પુરો પાડવામાં આવે છે તે તમામ મોંઘા બનશે.
તમારુ ઘરેલુ સિલીન્ડર રૂા.18 મોંઘુ બની શકે છે. સરકાર આ વ્યવસ્થા મારફત રૂા.3.60 લાખ કરોડ એકત્ર કરશે. જે લાંબા ગાળે દેશમાં વિવિધ સ્થળોએ એલપીજી ભંડાર ઉભો કરવા માટે ઉપયોગ કરાશે.
