Morbi,તા.27
મોરબી જીલ્લામાં જુગારની મોસમ બારેમાસ જોવા મળતી હોય છે છાશવારે પોલીસ ટીમો દરોડા કરી જુગારીઓને ઝડપી લેતી હોય છે ત્યારે ટંકારા નજીક આવેલ હોટેલ કમ્ફર્ટમાં ચાલતા જુગારધામ પર પોલીસે દરોડો કરી જુગાર રમતા નવ ઇસમોને ઝડપી લઈને ૨ ફોર્ચ્યુંનર કાર, ૧૨ લાખની રોકડ તેમજ ૮ મોબાઈલ સહીત ૬૩.૧૫ લાખનો મુદામાલ જપ્ત કર્યો છે
ટંકારા પોલીસ ટીમ પેટ્રોલિંગમાં હોય દરમિયાન મોરબી ટંકારા હાઇવે પર આવેલ કમ્ફર્ટ હોટલમાં અલગ અલગ નામથી રૂમ ભાડેથી રાખું અમુક ઈસમો હોટલ બહાર સફેદ કલરની ફોર્ચ્યુનર ગાડી જીજે ૦૩ કેસી ૧૪૦૦ માં રાખી અલગ અલગ કલર અને તેના પર અલગ અલગ આંકડા લખેલ પ્લાસ્ટિક કોઈન વડે તીનપત્તીનો જુગાર રમતા હોવાની બાતમી મળી હતી જેથી ટીમે રેડ કરી હતી જ્યાં હોટેલના પાર્કિંગમાં ગાડી મળી આવતા તેમાં રહેલ બે ઈસમોને યુક્તિ પ્રયુક્તિથી પૂછપરછ કરતા તેના કબજાની ફોર્ચ્યુનર કારમાંથી રોકડ મળી આવી હતી બાદમાં હોટેલના રૂમ નં ૧૦૫ માં રેડ કરી હતી જ્યાં પ્લાસ્ટિક કોઈન વડે જુગાર રમાતો હતો
જ્યાં સ્થળ પરથી પોલીસે જુગાર રમતા ગોપાલ રણછોડભાઈ સભાડ રહે રાજકોટ, ચિરાગ રસિક ધામેચા રહે ગાંધીગ્રામ, રઘુવીરસિંહ ઉર્ફે દીપકસિંહ બહાદુરસિંહ જાડેજા રહે ખરેડી તા. કાલાવડ, રવિ મનસુખભાઈ પટેલ રહે એવન્યુ પાર્ક મોરબી, વિલ રાજીભાઈ પટેલ રહે તિરુપતિ નગર સોસાયટી ૧, રૈયા રોડ, ભાસ્કર પ્રભુ પારેખ રહે પ્રહલાદ પ્લોટ, રાજકોટ શહેર, કુલદીપસિંહ વનરાજસિંહ ગોહિલ રહે આર કે પાર્કની બાજુમાં રાજકોટ, શૈલેષ ગંગદાસ ઠુમ્મર રહે શ્રીજી પાર્ક સોસાયટી રાજકોટ, નિતેષ નારણભાઈ ઝાલરીયા રહે ઉમા પાર્ક સોસાયટી મોરબી એમ નવને ઝડપી લીધા હતા
પોલીસે સ્થળ પરથી રોકડ રૂ ૧૨ લાખ, ફોર્ચ્યુનર કાર ૨ કીમત રૂ ૫૦ લાખ, મોબાઈલ નંગ ૮ કીમત રૂ ૧,૧૫,૦૦૦ સહીત કુલ રૂ ૬૩,૧૫,૦૦૦ નો મુદામાલ જપ્ત કર્યો છે તો આરોપી રજનીકાન્ત ભરતભાઈ દેત્રોજા રહે ચિત્રકૂટ સોસાયટી નવા બસ સ્ટેન્ડ પાછળ મોરબી વાળાનું નામ ખુલતા ટંકારા પોલીસે વધુ તપાસ ચલાવી છે ટંકારા નજીક હોટેલમાંથી જુગારધામ ઝડપાયું છે ત્યારે આવા ગોરખધંધા કેટલા સમયથી ચાલતા હતા તે મોટો સવાલ છે ટંકારામાં જ SMC ટીમે ડુપ્લીકેટ ઓઈલ વેચાણનું કોભાંડ ઝડપ્યું હતું ત્યારે ટંકારામાં કેટલા ગોરખધંધા ચાલે છે તેવા સવાલો ઉઠી રહ્યા છે જે હોટેલમાં જુગારધામ ધમધમતું હતું તે હોટેલમાં ભાજપ આગેવાન ભાગીદાર હોવાની માહિતી પણ સુત્રો પાસેથી પ્રાપ્ત થઇ છે
