Amreliતા.31
રાજ્ય સરકારના મહિલા અને બાળ વિકાસ વિભાગ દ્વારા આગામી 1 ઓગસ્ટ થી 8 ઓગસ્ટ દરમિયાન સમગ્ર રાજ્યમાં ‘નારી વંદન સપ્તાહ’ની ઉજવણી કરવાનું આયોજન હાથ ધરવામાં આવ્યું છે. આ રાજ્યવ્યાપી મહોત્સવના ભાગરૂપે અમરેલી જિલ્લા વહીવટી તંત્ર દ્વારા પણ જિલ્લામાં મહિલા સશક્તિકરણ અને જાગૃતિ લાવવા માટે વિવિધ થીમ આધારિત કાર્યક્રમોનું આયોજન કરવામાં આવ્યું છે.
આ સાપ્તાહિક મહોત્સવ અંતર્ગત જિલ્લામાં પ્રત્યેક દિવસ માટે મહિલા ઉત્કર્ષને વેગ આપતા વિશેષ વિષયો (Themes) નક્કી કરવામાં આવ્યા છે. જે મુજબ, 01 ઓગસ્ટે મહિલા સુરક્ષા દિવસ, 03 ઓગસ્ટે બેટી બચાવો બેટી-બેટી પઢાવો દિવસ, 04 ઓગસ્ટે મહિલા સ્વાવલંબન દિવસ અને 05 ઓગસ્ટે મહિલા નેતૃત્વ દિવસની વિશેષ ઉજવણી થશે.
આ જ શ્રૃંખલાને આગળ ધપાવતા 6 ઓગસ્ટે મહિલા કર્મયોગી દિવસ, 7 ઓગસ્ટે મહિલા કલ્યાણ દિવસ તેમજ સપ્તાહના અંતિમ દિવસે એટલે કે 8 ઓગસ્ટે મહિલા અને બાળ આરોગ્ય દિવસની થીમ હેઠળ સમગ્ર અમરેલી જિલ્લામાં વિભિન્ન પ્રવૃત્તિઓનું આયોજન કરવામાં આવ્યુ છે તેમ જિલ્લા મહિલા અને બાળ અધિકારીની યાદીમાં જણાવવામાં આવ્યું છે.
